.png)
.jpg)
.jpg)
ប្រដាល់គុនខ្មែរ និងប្រឡងចម្រៀង នៅក្នុងព្រឹត្តិការណ៍«កំពង់ស្ពឺសង្ក្រាន្ត»
- ថ្ងៃសៅរ៍ ទី៦ ខែមេសា ឆ្នាំ២០២៤ ម៉ោង ៣:០៩ នាទី រសៀល
លោក វ៉ី សំណាង អភិបាលខេត្តកំពង់ស្ពឺ នាសង្រ្កាន្តកំពង់ស្ពឺនៅឆ្នាំ២០២៣។ រូបភាពពីរដ្ឋបាលខេត្តកំពង់ស្ពឺ
ភ្នំពេញ៖ នៅថ្ងៃទី១៣-១៦ ខែមេសាខាងមុខនេះ នឹងមានព្រឹត្តិការណ៍«កំពង់ស្ពឺសង្ក្រាន្ត» នៅក្នុងខេត្តកំពង់ស្ពឺ។ ព្រឹត្តិការណ៍«កំពង់ស្ពឺសង្ក្រាន្ត» នឹងមានកម្មវិធីកម្សាន្តសប្បាយជាច្រើន រួមទាំងការប្រឡងចម្រៀង និងកម្មវិធីប្រដាល់គុនខ្មែរផងដែរ។
រដ្ឋបាលខេត្តកំពង់ស្ពឺ នឹងរៀបចំព្រឹត្តិការណ៍នេះ ដើម្បីចូលរួមអបអរសាទរបុណ្យចូលឆ្នាំថ្មី ប្រពៃណីជាតិខ្មែរ ជាពិសេសផ្តល់ភាពសប្បាយរីករាយជូនប្រជាពលរដ្ឋ និងរក្សានូវទំនៀមទម្លាប់។ ព្រឹត្តិការណ៍នេះ សហការរៀបចំដោយសហភាពសហព័ន្ធយុវជនកម្ពុជាខេត្តកំពង់ស្ពឺ ។
រូបភាពពីរដ្ឋបាលខេត្តកំពង់ស្ពឺ
ក្នុងព្រឹត្តិការណ៍នេះ មានការរៀបចំលេងល្បែងប្រជាប្រិយ, កម្មវិធីប្រលងចម្រៀង និងការលេងកម្សាន្តផ្សេងៗ។ ក្រៅពីនេះ មានកម្មវិធីប្រដាល់គុនខ្មែរ និងការប្រគំតន្ត្រីផងដែរ។ បើតាមរដ្ឋបាលខេត្តកំពង់ស្ពឺ នៅតាមវត្តអារាមនានា ក៏មានការរៀបចំអបអរបុណ្យចូលឆ្នាំថ្មី និងការលេងល្បែងប្រជាប្រិយដែរ។
អត្ថបទទាក់ទង
រដ្ឋបាលខេត្តកំពង់ស្ពឺ អំពាវនាវឱ្យប្រជាពលរដ្ឋ និងសាធារណជនទាំងអស់ ចូលរួមលេងកម្សាន្តសប្បាយឱ្យបានច្រើនកុះករ។ សូមបញ្ជាក់ថា នៅថ្ងៃចូលឆ្នាំខាងមុខ រាជធានី-ខេត្តមួយចំនួន ក៏មានរៀបចំព្រឹត្តិការណ៍សង្រ្កាន្ត ដូចជា សង្រ្កាន្តព្រៃវែង, សង្រ្កាន្តបាត់ដំបង, សង្រ្កាន្តកំពង់ធំ, សៀមរាបសង្រ្កាន្ត, សង្រ្កាន្តវត្តភ្នំ និងសង្រ្កាន្តប៉ៃលិនផងដែរ៕
រូបភាពពីរដ្ឋបាលខេត្តកំពង់ស្ពឺ
© រក្សាសិទ្ធិដោយ thmeythmey.com
Tag:
