កីឡាអន្តរជាតិ  អន្តរជាតិ 
Arsenal លត់ Chelsea ៥-០ បន្តក្តីសង្ឃឹមឈ្នះ EPL លើកដំបូងរយៈពេល២០ឆ្នាំ
  • ថ្ងៃពុធ ទី២៤ ខែមេសា ឆ្នាំ២០២៤ ​​ ម៉ោង ១០:២៩ នាទី ព្រឹក
Arsenal លត់ Chelsea ៥-០ បន្តក្តីសង្ឃឹមឈ្នះ EPL លើកដំបូងរយៈពេល២០ឆ្នាំ
ក្តីសង្ឃឹមប្រជែងពាន Premier League កាន់តែកើនឡើងសម្រាប់ Arsenal បន្ទាប់ពីពួកគេយកឈ្នះ Chelsea ដល់ទៅ ៥-០ ក្នុងជំនួបលីគសប្តាហ៍ទី៣៤។ កាំភ្លើងធំ កើន៧៧ពិន្ទុ នាំមុខ Liverpool ៣ពិន្ទុ និង Manchester City ៤ពិន្ទុ។
TTN-Free-Banner-In-Article-PC


ខ្សែបម្រើ Kai Havertz និង ខ្សែការពារ Ben White រកបាន២គ្រាប់ម្នាក់ និង Leandro Trossard សម្រេចបាន១គ្រាប់ ដើម្បីជួយក្រុមលោក Mikel Arteta ទទួលបាន៣ពិន្ទុបន្ថែម ពីការប្រកួតលីគសប្តាហ៍ទី៣៤ នៅយប់ថ្ងៃទី២៣ ខែមេសា។ លទ្ធផលនេះ បានធ្វើឱ្យ Chelsea ក្រោមការដឹកនាំរបស់លោក Mauricio Pochettino រងភាពអាម៉ាស់យ៉ាងខ្លាំង។
 
ជ័យជម្នះ ៥-០ បានធ្វើឱ្យ Arsenal កើន៧៧ពិន្ទុពីកាប្រកួត៣៤លើក នាំមុខ Liverpool ចំនួន ៣ពិន្ទុ និង Man City ចំនួន ៤ពិន្ទុ។ យ៉ាងណាងក៏ដោយ Liverpool នៅសល់១ប្រកួត ឯ Man City នៅសល់២ប្រកួតក្នុងដៃ។
 
៤ប្រកួតចុងក្រោយរបស់កាំភ្លើងធំ ប្រៀបដូចជាការប្រកួតវគ្គផ្តាច់ព្រ័ត្រ ក្នុងការប្រជែងជើងឯកលីគកំពូលអង់គ្លេសរដូវកាល ២០២៣-២៤។ Arsenal ខកខានគ្រង់ជើងឯក Premier League ២០រដូវកាលមកហើយ​ ពោលចាប់ពីឈ្នះលើកចុងក្រោយនៅរដូវកាល ២០០៣-០៤។
 
៤ប្រកួតចុងក្រោយរបស់ Arsenal ត្រូវជួប Tottenham Hotspur, Bournemouth, Manchester United និង Everton។ តើ Arsenal អាចក្រសោបយកជើងឯកលីគកំពូលអង់គ្លេសនៅរដូវកាលនេះបាន ឬយ៉ាងណា?
អ្នកសរសេរអត្ថបទ

ទេព ពិទូរ្យ បានចាប់ផ្តើម​ការងារ​នៅក្នុង​ស្ថាប័ន​សារព័ត៌មាន​ថ្មីៗ​ ជា​អ្នកបច្ចេកទេស​ចាប់ពី​ឆ្នាំ​២០១២​មក​។ ​​បច្ចុ​ប្បន្ន ពិទូរ្យ បាន​បន្ថែម​ជំនាញ​ជា​អ្នកសរសេរ​ព័ត៌មាន​កីឡា​អន្តរជាតិ​មួយទៀត​​។​ ពិទូរ្យ ទទួលបាន​សញ្ញាបត្រ​ប​រិ​ញ្ញាប​ត្រ​ព័ត៌មានវិទ្យា​ពី​វិទ្យាស្ថាន​ស៊ី​តិក​។​ ​ ​​​

© រក្សាសិទ្ធិដោយ thmeythmey.com
Tag:

ទេព ពិទូរ្យ​​