អន្តរជាតិ 
កូរ៉េខាងត្បូងបញ្ចប់ការអភិវឌ្ឍប្រព័ន្ធការពារមីស៊ីលចម្ងាយឆ្ងាយ L-SAM ដោយជោគជ័យ
  • ថ្ងៃសៅរ៍ ទី២៥ ខែឧសភា ឆ្នាំ២០២៤ ​​ ម៉ោង ៨:១៩ នាទី យប់
កូរ៉េខាងត្បូងបញ្ចប់ការអភិវឌ្ឍប្រព័ន្ធការពារមីស៊ីលចម្ងាយឆ្ងាយ L-SAM ដោយជោគជ័យ
កូរ៉េខាងត្បូង បានប្រកាសពីការបញ្ចប់ការអភិវឌ្ឍប្រព័ន្ធមីស៊ីលចម្ងាយឆ្ងាយពីដីទៅអាកាស (L-SAM) ដោយជោគជ័យដែលជាការជំហានដ៏សំខាន់មួយក្នុងការពង្រឹងសមត្ថភាពការពារដែនអាកាស ស្របពេលដែលការប្រឈមមុខជាមួយកូរ៉េខាងជើងនៅតែតានតឹង។
TTN-Free-Banner-In-Article-PC
 
ប្រព័ន្ធការពារមីស៊ីល L-SAM ត្រូវបានរចនាឡើងដើម្បីបាញ់ទម្លាក់គោលដៅដែលចូលមកក្នុងកម្ពស់ពី៥០ទៅ៦០គីឡូម៉ែត្រ។ ប្រព័ន្ធការពារនេះ ត្រូវបានវាយតម្លៃថាសមស្របនឹងការ ប្រយុទ្ធក្រោយបានបំពេញតាមតម្រូវការបច្ចេកទេសរបស់យោធា។ នេះបើយោងតាមរដ្ឋបាល កម្មវិធីការទិញសព្វាវុធការពាររដ្ឋកូរ៉េខាងត្បូង (DAPA) ។
 
ក្រោយការបញ្ចប់នៃការអភិវឌ្ឍ L-SAM ការផលិតរំពឹងនឹងចាប់ផ្ដើមនៅឆ្នាំក្រោយ ហើយនឹង ត្រូវដាក់ឱ្យប្រើប្រាស់សម្រាប់ប្រតិបត្តិការនៅឆ្នាំ២០២៨។ ក្រោយពីពេលដាក់ពង្រាយ ប្រព័ន្ធ L-SAM នឹងដើរតួនាទីយ៉ាងសំខាន់ជាខែលការពារមីស៊ីលអាកាស។
 
បច្ចុប្បន្ន យោធាកូរ៉េខាងត្បូងកំពុងដំណើរការប្រព័ន្ធមីស៊ីលចម្ងាយមធ្យមពីដីទៅអាកាស និងប្រព័ន្ធ Patriot Advanced Capability-3 របស់អាម៉េរិក ដើម្បីស្ទាក់ចាប់មីស៊ីលដែលចូលមកក្នុងរយៈកម្ពស់ ទាបជាង L-SAM ។ សម្រាប់គោលដៅនៅកម្ពស់ខ្ពស់ រហូតមកដល់ពេលនេះ កូរ៉េខាងត្បូង បានពឹងផ្អែកលើប្រព័ន្ធការពារតំបន់រយៈកម្ពស់ខ្ពស់ (THAAD) របស់កងកម្លាំងអាម៉េរិក ដែលអាចការពារកម្ទេចគោលដៅនៅរយៈកម្ពស់ពី៤០ទៅ១៥០គីឡូម៉ែត្រ។
 
លើសពីនេះ យោធាកូរ៉េខាងត្បូងកំពុងអភិវឌ្ឍបន្ថែមផ្នែក Block-II នៃប្រព័ន្ធការពារ L-SAM ដើម្បីស្ទាក់ចាប់គោលដៅនៅរយៈកម្ពស់ខ្ពស់ជាងបច្ចុប្បន្ន៕
 
អ្នកសរសេរអត្ថបទ

ជា ពេជ្រដាឡែន គឺជាអ្នកសារព័ត៌មានក្រៅម៉ោង​នៃសារព័ត៌មានថ្មីៗ។ បច្ចុប្បន្ន ដាឡែន ជានិស្សិតឆ្នាំទីបី ផ្នែកសិក្សាអន្តរជាតិ នៅវិទ្យាស្ថានភាសាបរទេស សកលវិទ្យាល័យភូមិន្ទ ភ្នំពេញ។ ដាឡែន តាមដានព័ត៌មានទាក់ទង កិច្ចការអន្តរជាតិ ព្រមទាំងបញ្ហានយោបាយនៅក្នុងតំបន់អាស៊ីអាគ្នេយ៍។ CHEA Pichdalen is a part-time international news reporter at Thmey Thmey. Currently, she is also a junior student majoring in International Studies at Institute of Foreign Languages at Royal University of Phnom Penh. She covers current international affairs as well as ongoing political issues in the Southeast Asia region.

© រក្សាសិទ្ធិដោយ thmeythmey.com

ជា ពេជ្រដាឡែន