.png)
.jpg)
.jpg)
មនុស្សជាង១ម៉ឺននាក់បានទៅដល់អង់គ្លេសតាមទូកតូចៗចាប់តាំងពីខែមករា
- ថ្ងៃចន្ទ ទី២៧ ខែឧសភា ឆ្នាំ២០២៤ ម៉ោង ៨:២៩ នាទី ព្រឹក
តាំងពីដើមឆ្នាំ២០២៤ អ្នកស្វែងរកសិទ្ធិជ្រកកោនជាង១ម៉ឺននាក់បានទៅដល់ប្រទេស អង់គ្លេសតាមទូកតូចៗ នេះបើតាមទិន្នន័យរដ្ឋាភិបាលដែលបង្ហាញនាថ្ងៃទី២៥ ខែឧសភា។ ចំនួននេះគូសបញ្ជាក់ពីបញ្ហាប្រឈមដ៏សំខាន់មួយសម្រាប់នាយករដ្ឋមន្ត្រីចក្រភពអង់គ្លេស លោក Rishi Sunak នៅមុនការបោះឆ្នោតជាតិនៅថ្ងៃទី៤ ខែកក្កដា។
តួលេខចុងក្រោយនៅលើគេហទំព័ររបស់រដ្ឋាភិបាលបានបង្ហាញថា មនុស្សចំនួន១០,១៧០ ឯណោះបានទៅដល់ទឹកដីនេះចន្លោះខែមករា ដល់ថ្ងៃទី២៥ ខែឧសភា ដែលកើនឡើងពី ៧,៣៩៥ នាក់ក្នុងរយៈពេលដូចគ្នាកាលពីឆ្នាំមុន។
«យើងបន្តធ្វើការយ៉ាងជិតស្និទ្ធជាមួយដៃគូបារាំងរបស់យើង ដើម្បីទប់ស្កាត់ការឆ្លងដែន និងសង្គ្រោះជីវិត»។ អ្នកនាំពាក្យក្រសួងមហាផ្ទៃអង់គ្លេសបញ្ជាក់បែបនេះ។
នាយករដ្ឋមន្ត្រីអង់គ្លេស Rishi Sunak បញ្ជាក់ថា អ្នកស្វែងរកសិទ្ធិជ្រកកោនដែល ទៅអង់គ្លេសដោយខុសច្បាប់ នឹងមិនត្រូវបាននិរទេសទៅរវ៉ាន់ដាមុនពេលបោះឆ្នោតនោះទេ។ ការបញ្ជាក់នេះធ្វើឡើងដើម្បីឱ្យអស់សង្ស័យលើគោលនយោបាយជនបរទេសក្នុង ចំណោមគោលនយោបាយសំខាន់ៗរបស់គណបក្សអភិរក្សរបស់លោក។
លោក Stephen Kinnock រដ្ឋមន្ត្រីអន្តោប្រវេសន៍ស្រមោលរបស់គណបក្សកម្មករ បានអះអាងថា រដ្ឋាភិបាលរបស់លោក Sunak មិនបានធ្វើគ្រប់គ្រាន់ដើម្បីដោះស្រាយបញ្ហាលំហូរជនអន្តោប្រតវេសន៍នេះទេ។
«ដោយសារតែកិច្ចខិតខំទាំងអស់របស់រដ្ឋាភិបាលឥឡូវនេះផ្តោតលើការធ្វើឱ្យមនុស្សពីរបីរយនាក់ហោះហើរទៅកាន់រវ៉ាន់ដា ពួកគេបានបាត់បង់ការយកចិត្តទុកដាក់លើមនុស្សរាប់ពាន់ នាក់ទៀតដែលកំពុងឆ្លងកាត់ចក្រព្រំដែនជារៀងរាល់ខែ»។ លោក Kinnock បានសង្កត់ធ្ងន់ នៅក្នុងសេចក្តីថ្លែងការណ៍មួយបែបនេះ។
បន្ថែមពីនេះ គណបក្សការងារបាននិយាយថា ប្រសិនបើពួកគេជាប់ឆ្នោតនោះ បក្សនេះនឹង បង្កើតទីបញ្ជាការសន្តិសុខព្រំដែនដែលនឹងប្រមូលផ្តុំបុគ្គលិកពីផ្នែកប៉ូលិស ទីភ្នាក់ងារស៊ើប ការណ៍ក្នុងស្រុក និងព្រះរាជអាជ្ញាដើម្បីធ្វើការជាមួយភ្នាក់ងារអន្តរជាតិក្នុងការបញ្ឈប់ការរត់ ពន្ធមនុស្ស ៕
© រក្សាសិទ្ធិដោយ thmeythmey.com
