.png)
.png)
.jpg)
.jpg)
ក្រុមហ៊ុនផលិតអាវុធដ៏ធំរបស់អាល្លឺម៉ង់ ប្រកាសឧបត្ថម្ភ Dortmund
- ថ្ងៃព្រហស្បតិ៍ ទី៣០ ខែឧសភា ឆ្នាំ២០២៤ ម៉ោង ៨:២៩ នាទី ព្រឹក
ក្រុមហ៊ុនផលិតអាវុធអាល្លឺម៉ង់ Rheinmetall នឹងក្លាយជាអ្នកឧបត្ថម្ភក្លិបបាល់ទាត់ Borussia Dortmund ក្នុងកិច្ចសន្យារយៈពេល ៣ឆ្នាំ។ នេះបើតាមសេចក្តីរាយការណ៍របស់កាសែតអាល្លឺម៉ង់ Handelsblatt នៅថ្ងៃ២៨ ខែឧសភា។ ការប្រកាសនេះ ធ្វើឡើងតែប៉ុន្មានថ្ងៃប៉ុណ្ណោះ មុនពេល Dortmund ត្រូវប៉ះ Real Madrid ក្នុងវគ្គផ្តាច់ព្រ័ត្រ ដណ្តើមជើងឯក UEFA Champions League រដូវកាល ២០២៣-២៤។
កាសែត Handelsblatt ឱដឹងថា Borussia Dortmund នឹងទទួលបានថ្លៃឧបត្ថម្ភរាប់រយលានដុល្លារក្នុងមួយឆ្នាំ សម្រាប់កិច្ចព្រមព្រៀងរយៈពេល៣ឆ្នាំ ពីក្រុមហ៊ុផលិតសព្វាវុធដ៏ធំរបស់អាល្លឺម៉ង់មួយនេះ។ ព័ត៌មានលម្អិតបន្ថែម សារព័ត៌មានឌីជីថលថ្មីៗនឹងផ្សាយចជូនបន្តបន្ទាប់។
ក្រុមហ៊ុន Rheinmetall ជាក្រុមហ៊ុនផលិតរថយន្ត និងសព្វាវុធរបស់អាល្លឺម៉ង់ ដែលមានទីស្នាក់ការកណ្តាលនៅទីក្រុង Düsseldorf។ Rheinmetall ក៏ត្រូវបានគេទទួលស្គាល់ថាជាក្រុមហ៊ុនផលិតសព្វាវុធធំជាងគេលំដាប់ទី៥ នៅអឺរ៉ុប ជាពិសេសជំនាញខាង រថពាសដែក។
កាលពីឆ្នាំ២០២២ ទទួលបានចំណូលពីការលក់អាវុធរបស់ខ្លួនបានចំនួន ៦,៤១០ ពាន់លានដុល្លារ និងនៅឆ្នាំ២០២៤នេះ នឹងរំពឹងកើនចំណូលបន្ថែមទៀត។
Dortmund នឹងត្រូវតតាំងជាមួយ Real Madrid ក្នុងការប្រកួតវគ្គផ្តាច់ព្រ័ត្រ UEFA Champions League នៅរាត្រីថ្ងៃទី១ ខែមិថុនា នៅកីឡដ្ឋាន Wembley ប្រទេសអង់គ្លេស វេលាម៉ោង ២អាធ្រាត្រ៕
© រក្សាសិទ្ធិដោយ thmeythmey.com
Tag:
