កីឡាអន្តរជាតិ  អន្តរជាតិ 
Messi ជួយអាហ្សង់ទីនទម្លាក់កាណាដាឡើងការពារជើងឯក Copa America
  • ថ្ងៃពុធ ទី១០ ខែកក្កដា ឆ្នាំ២០២៤ ​​ ម៉ោង ១០:០៩ នាទី ព្រឹក
Messi ជួយអាហ្សង់ទីនទម្លាក់កាណាដាឡើងការពារជើងឯក Copa America
ក្រុមការពារតំណែងជើងឯក អាហ្សង់ទីនឡើងទៅកាន់វគ្គផ្តាច់ព្រ័ត្រ Copa America ឆ្នាំ ២០២៤ តាមរយៈការយកឈ្នះកាណាដា ២-០ ក្នុងការប្រកួតវគ្គពាក់កណ្តាលផ្តាច់ព្រ័ត្រ នៅព្រឹកថ្ងៃទី១០ ខែកក្កដា។
TTN-Free-Banner-In-Article-PC


Julián Álvarez និង ប្រធានក្រុម Lionel Messi សម្រេចបាន១គ្រាប់ម្នាក់ដើម្បីជួយអាហ្សង់ទីនឡើងទៅការពារជើងឯកពានរង្វាន់ទ្វីបអាម៉េរិក ឆ្នាំ២០២៤ ដែលរៀបចំនៅទឹកដីអាម៉េរិក។
 
ក្រោមការដឹកនាំរបស់គ្រូបង្វឹកលោក Lionel Scaloni អាហ្សង់ទីន បានគ្រង់តំណែងជើងឯក Copa America នៅឆ្នាំ ២០២១​ និងជាលើកទី២ ក្រោយខកខាន ២៨ឆ្នាំ។ អាហ្សង់ទីន ឈ្នះជើងឯកទ្វីបអាម៉េរិកនេះលើកដំបូងនៅឆ្នាំ ១៩៩៣។
 
កក់កៅអីវគ្គផ្តាច់ព្រ័ត្រឆ្នាំ២០២៤ អាហ្សង់ទីន ត្រូវរង់ចាំជំនួបរវាងកូឡុំប៊ី និងអ៊ុយរូហ្កាល ដែលត្រូវប៉ះគ្នានៅវគ្គពាក់កណ្តាលផ្តាច់ព្រ័ត្រ នៅថ្ងៃទី១១ ខែកក្កដា វេលាម៉ោង ៧ព្រឹក [ម៉ោងនៅកម្ពុជា]។ អ៊ុយរូហ្កាល ជាម្ចាស់ជើងឯក Copa America ៤លើក ច្រើនជាងគេលំដាប់ទី២ បន្ទាប់ពីប្រេស៊ីល ដែលឈ្នះ៥លើក ស្របពេលកូឡុំប៊ី គ្រងជើងឯកមួយលើក៕ 
 
 
អ្នកសរសេរអត្ថបទ

ទេព ពិទូរ្យ បានចាប់ផ្តើម​ការងារ​នៅក្នុង​ស្ថាប័ន​សារព័ត៌មាន​ថ្មីៗ​ ជា​អ្នកបច្ចេកទេស​ចាប់ពី​ឆ្នាំ​២០១២​មក​។ ​​បច្ចុ​ប្បន្ន ពិទូរ្យ បាន​បន្ថែម​ជំនាញ​ជា​អ្នកសរសេរ​ព័ត៌មាន​កីឡា​អន្តរជាតិ​មួយទៀត​​។​ ពិទូរ្យ ទទួលបាន​សញ្ញាបត្រ​ប​រិ​ញ្ញាប​ត្រ​ព័ត៌មានវិទ្យា​ពី​វិទ្យាស្ថាន​ស៊ី​តិក​។​ ​ ​​​

© រក្សាសិទ្ធិដោយ thmeythmey.com
Tag:

ទេព ពិទូរ្យ​​