.png)
.png)
.jpg)
.jpg)
ផ្លូវក្រវាត់ក្រុងទី៣ នឹងមានឈ្មោះជាមហាវិថី« ស៊ី ជីនពីង» ជាផ្លូវការ ពីថ្ងៃទី១៩កក្កដា តទៅ!
- ថ្ងៃសុក្រ ទី១២ ខែកក្កដា ឆ្នាំ២០២៤ ម៉ោង ១១:២៥ នាទី ព្រឹក
ផ្លូវក្រវ៉ាត់ក្រុងទី៣ ដែលចំណាយថវិកាជាង២៧៣លានដុល្លារ ត្រូវបានដាក់ឱ្យប្រើប្រាស់ជាផ្លូវការ នៅព្រឹកថ្ងៃទី៣ សីហា ២០២៣។ រូបពីក្រសួងសាធារណការ និងដឹកជញ្ជូន
ផ្លូវក្រវត់ក្រុងទី៣ នឹងមានឈ្មោះជាមហាវិថី« ស៊ី ជីនពីង» ចាប់ពីថ្ងៃទី១៩កក្កដា ឆ្នាំ២០២៤ ទៅត។ រដ្ឋាភិបាលសម្រេចប្រសិទ្ធនាមឈ្មោះមហាវិថីនេះឡើង គឺដើម្បីអបអរសាទរខួបអនុស្សាវរីយ៍លើកទី៦៦ នៃការបង្កើតទំនាក់ទំនងការទូតរវាងកម្ពុជា-ចិន។
បើតាមសេចក្តីជូនដំណឹងរបស់ក្រសួងសាធារណការ និងដឹកជញ្ជូន ពិធីប្រសិទ្ធនាមឈ្មោះមហាវិថី « ស៊ី ជីនពីង» ជាផ្លូវការ នឹងធ្វើឡើងក្រោមវត្តមាន ក្រោមអធិបតីភាពលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា(CDC) និងលោក Wang Wenbin ឯកអគ្គរដ្ឋទូតថ្មីនៃសាធារណរដ្ឋប្រជាមានិតចិនប្រចាំកម្ពុជា។ ពិធីនេះ នឹងប្រារព្ធឡើងនៅភូមិជម្ពូវ័ន២ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ស្ថិតនៅចំណុចរង្វង់មូលក្បែរផ្លូវជាតិលេខ៤ នាថ្ងៃទី១៩កក្កដា។
អត្ថបទទាក់ទង
មហាវិថីនេះ ត្រូវបានសាងសង់ឡើងក្នុងទំហំទឹកប្រាក់ជាង២៧៣លានដុល្លារក្រោមកម្ចីសម្បទានពីរដ្ឋាភិបាលចិន លាតសន្ធឹងចម្ងាយ៤៨គីឡូម៉ែត្រភ្ជាប់ពីផ្លូវជាតិលេខ១ ទៅកាន់ផ្លូវជាតិលេខ ៤ ។
កាលពីថ្ងៃទី២៨ឧសភា លោក វ៉ាង វិនធាន (Wang Wentian) ឯកអគ្គរដ្ឋទូតចិនបញ្ចប់អាណត្តិនៅកម្ពុជាបានឡើងថា ការដាក់ឈ្មោះមហាវិថីនេះនេះឆ្លុះបញ្ចាំងពីទំនាក់ទំនងរវាងកម្ពុជា-ចិនដែលមានប្រវត្តិសាស្ត្រយូរអង្វែងនិងភាពរឹងមាំ។ ជាពិសេសការបន្តដំណើរពីអតីតកាលឆ្ពោះទៅកាន់អនាគតថ្មី នៃទំនាក់ទំនងប្រទេសទាំងពីរ។
លោក វ៉ាង វិនធាន បានអះអាងនៅចំពោះមុខសម្តេចហ៊ុន ម៉ាណែត យ៉ាងដូច្នេះ៖ «ភាគីចិនរីករាយសហការជាមួយកម្ពុជាបន្តដំណើរលើវិថីដ៏ត្រចះត្រចង់ក្នុងការរក្សាកេរ្តិ៍មរតកនៃចំណងមិត្តភាពដែកថែបមួយនេះ បង្កើតអនាគតកាន់តែអស្ចារ្យកាន់តែភ្លឺស្វាង សម្រាប់សហគមន៍វាសនារួមរវាងចិន-កម្ពុជានៅក្នុងយុគសម័យថ្មី»។
ឈ្មោះមហាវិថី«ស៊ី ជីនពីង»ដែលដាក់ដោយរដ្ឋាភិបាលកម្ពុជានេះ គឺបានបំពេញបន្ថែមទៀតទៅលើមហាវិថី ម៉ៅសេទុងដែលមានស្រាប់។ ការណ៍នេះការបង្ហាញពីភាពល្អឥតខ្ចោះនៃទំនាក់ទំនងមិត្តភាពជាប្រពៃណីរវាងប្រទេសទាំងពីរ៕
© រក្សាសិទ្ធិដោយ thmeythmey.com
Tag:
