.png)
លោកស្រី ប្រាក់ សោភ័ណនារី៖ ការបំបៅដោះកូនប្រៀបដូចជាឱសថការពារសុខភាពម្ដាយ និងកូន
- ថ្ងៃសុក្រ ទី១៩ ខែកក្កដា ឆ្នាំ២០២៤ ម៉ោង ៨:៥៩ នាទី ព្រឹក
សៀមរាប៖ ការបំបៅដោះកូន បានផ្ដល់អត្ថប្រយោជន៍ជាច្រើនដល់សុខភាពម្ដាយនិងកូន។ លោកស្រី ប្រាក់ សោភ័ណនារី រដ្ឋលេខាធិការក្រសួងសុខាភិបាល បានលើកទឹកចិត្តដល់ម្ដាយគ្រប់រូបត្រូវបំបៅដោះកូនឱ្យបាន៦ខែ ព្រោះថាទឹកដោះម្ដាយមានសារជាតិចិញ្ចឹមជាច្រើន ជួយឱ្យម្ដាយនិងកូនមានសុខភាពល្អ និងការពារកូនពីការខ្វះអាហារូបត្ថម្ភ។
ដើម្បីជ្រាបច្បាស់សូមលោកអ្នកទស្សនាវីដេអូខាងក្រោម៖
លោកស្រី ប្រាក់ សោភ័ណនារី បានណែនាំថា ម្ដាយគ្រប់រូបត្រូវតែឱ្យកូនបៅទឹកដោះម្ដាយ ក្រោយពេលទារកកើតភ្លាមៗ ដោយសារទឹកដោះម្ដាយដំបូងនេះ មានភាពខាប់ ដែលប្រៀបដូចជាថ្នាំបង្ការសម្រាប់ការពារជីវិតទារក។
«យើងមើលឃើញថាទឹកដោះម្ដាយគឺជាទឹកដោះមួយ ដែលល្អឥតខ្ចោះ ហើយក៏សម្បូរទៅដោយគ្រប់សារជាតិចិញ្ចឹមទាំងអស់ ហើយក៏មិនព្រួយបារម្ភពីបញ្ហា ថាមិនមានអនាម័យ ឬ អាចមានហានិភ័យផ្សេងៗនោះទេ។ ទឹកដោះម្ដាយទាំងស្អាត ទាំងមានសុវត្ថិភាពទាំងគុណភាព ហើយគ្រប់គ្រាន់ទៅតាមតម្រូវការរបស់ទារក»។ លោកស្រីប្រាក់ សោភ័ណនារី បានអះអាងដូច្នេះ។
ម្ដាយគ្រប់រូបចាំបាច់ត្រូវតែបំបៅដោះកូនតែមួយមុខគត់ យ៉ាងហោចណាស់ឱ្យបាន៦ខែ។ រដ្ឋលេខាធិការរូបនេះបានបញ្ជាក់ដូច្នេះ ដែលបន្ថែមថា ក្រៅពីជួយដល់សុខភាពកូន ការបំបៅដោះកូននេះ បានជួយម្ដាយឱ្យកាត់បន្ថយហានិភ័យពីជំងឺមហារីកសុដន់ និងមហារីកដៃស្បូនទៀតផង៕
© រក្សាសិទ្ធិដោយ thmeythmey.com
Tag:
.gif)
