.png)
.jpg)
.jpg)
ការត្បាញកន្ទេលរំចេក ផ្តល់ចំណូលដល់ស្ត្រីជាង៦០នាក់នៅភ្នំគូលែន
- ថ្ងៃអាទិត្យ ទី២៥ ខែសីហា ឆ្នាំ២០២៤ ម៉ោង ៩:៥៩ នាទី យប់
សៀមរាប៖ អង្គការ ADF បានចងក្រងក្រុមស្រ្តីនៅលើភ្នំគូលែន ដែលមានជំនាញត្បាញកន្ទេលរំចេក ដើម្បីជួយប្រមូលទិញផលិតផល ក៏ដូចជាជួយរកទីផ្សារឱ្យបានទូលំទូលាយ។ សិប្បកម្មប្រពៃណីមួយនេះ មានសន្ទុះការគាំទ្រច្រើននាពេលបច្ចុប្បន្ន ដែលជួយឱ្យក្រុមស្រ្តីអ្នកត្បាញកន្ទេលរំចេក មានការងារធ្វើ និងអាចរកចំណូលផ្គត់ផ្គង់គ្រួសារបានមួយផ្នែក។ បច្ចុប្បន្ន សមាជិកផ្នែកសិប្បកម្មត្បាញកន្ទេលនេះ មានចំនួនជាង៦០នាក់ នៅក្នុងភូមិចំនួន៧ នៅលើភ្នំគូលែន។ ក្រៅពីកន្ទេល សិប្បកម្មមួយនេះ ក៏មានត្បាញទ្រនាប់ចាន កែវ និងសម្ភារប្រើប្រាស់ផ្សេងៗតាមការបញ្ជាទិញពីអតិថិជនផងដែរ។
ដើម្បីជ្រាបច្បាស់ សូមអញ្ជើញទស្សនាវីដេអូខាងក្រោមនេះ៖
សូមបញ្ជាក់ថា តាមរយៈកម្មវិធី «ដែនដី និងកសិ-ទេសចរណ៍ អង្គការអាគ្រីស៊ុត សហការជាមួយសមាគមក្លឹបទេសចរណ៍ខេត្តសៀមរាប រដ្ឋបាលខេត្តសៀមរាប និងគាំទ្រដោយប្រព័ន្ធផ្សព្វផ្សាយមួយចំនួន បានចុះយកព័ត៌មាន និងផ្សព្វផ្សាយពីសក្តានុពល នៅតំបន់ភ្នំគូលែន ដែលកម្មវិធីធ្វើឡើងនៅថ្ងៃទី២៤ ខែសីហា ឆ្នាំ២០២៤៕
© រក្សាសិទ្ធិដោយ thmeythmey.com
Tag:
