.jpg)
.jpg)
ស្លាប់២៦នាក់ និងរបួស ៤១នាក់ ដោយសារគ្រោះថ្នាក់ចរាចរណ៍រយៈពេល២ថ្ងៃនៃបុណ្យភ្ជុំបិណ្ឌ
- ថ្ងៃព្រហស្បតិ៍ ទី៣ ខែតុលា ឆ្នាំ២០២៤ ម៉ោង ២:៥៩ នាទី រសៀល
ភ្នំពេញ៖ រយៈពេល២ថ្ងៃនៃពិធីបុណ្យភ្ជុំបិណ្ឌ ចាប់ពីថ្ងៃទី ១ ដល់ថ្ងៃទី២ ខែតុលា គ្រោះថ្នាក់ចរាចរណ៍នៅទូទាំងប្រទេស បានកើតឡើងចំនួន២៨លើក បណ្តាលឱ្យមនុស្សស្លាប់ចំនួន ២៦នាក់ និងរងរបួសធ្ងន់ស្រាល ៤១នាក់។ នេះបើតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ។
របាយការណ៍ខាងលើ បញ្ជាក់ថា មូលហេតុដែលបង្កឱ្យមានគ្រោះថ្នាក់ចរាចរណ៍ កើតឡើងដោយសារអ្នកបើកបរមិនគោរពសិទ្ធិគ្នា ប្រជែងគ្នា មិនប្រកាន់ស្តាំ បើកបរដោយលើសល្បឿនកំណត់ មិនពាក់មួកសុវត្ថិភាព បើកបរដោយផឹកគ្រឿងស្រវឹង និងបើកបរក្នុងស្ថានភាពងងុយ។ គ្រោះថ្នាក់ចរចរណ៍ទាំង២៨លើកនោះ បានបណ្តាលឱ្យមនុស្សស្លាប់ចំនួន ២៦នាក់ និងរងរបួសធ្ងន់ស្រាល ៤១នាក់ ក្នុងនោះរួមមាន ល្មើសល្បឿនចំនួន ១០លើក,មិនគោរពសិទ្ធិ៥លើក, មិនប្រកាន់ស្ដាំ ៥លើក, ប្រជែងគ្នា ៤លើក, បត់គ្រោះថ្នាក់ ៣លើក និងកត្តាយាន ១លើកផងដែរ៕
© រក្សាសិទ្ធិដោយ thmeythmey.com
Tag:
