.jpg)
.jpg)
ភ្ញៀវទេសចរជាង១១ម៉ឺននាក់ទៅកម្សាន្តនៅខេត្តសៀមរាបក្នុងរយៈពេល២ថ្ងៃនៃបុណ្យភ្ជុំបិណ្ឌ
- ថ្ងៃព្រហស្បតិ៍ ទី៣ ខែតុលា ឆ្នាំ២០២៤ ម៉ោង ៦:៣០ នាទី ល្ងាច
ភ្នំពេញ៖ ថ្ងៃឈប់សម្រាក់ភ្ជុំបិណ្ឌនារយៈពេល២ថ្ងៃមកនេះ មានភ្ញៀវទេសចរជាតិ និងអន្តរជាតិជាង ១១ម៉ឺននាក់ មកដើរកម្សាន្តក្នុងខេត្តសៀមរាប។ ទេសចរជាង១១ម៉ឺនាក់ កើនឡើងប្រមាណ ១៣ភាគរយ បើធៀបទៅឆ្នាំ២០២៣។
តាមរបាយការណ៍របស់មន្ទីរទេសចរណ៍ខេត្តសៀមរាប រយៈពេល២ថ្ងៃនៃពិធីបុណ្យភ្ជុំបិណ្ឌ ពោលពីថ្ងៃទី១ដល់ថ្ងៃទី២ ខែតុលា មានទេសចរសរុប ១១១ ៤៤៧នាក់ ក្នុងនោះមានទេសចរជាតិចំនួន ១០៦ ០០០នាក់ និងអន្តរជាតិចំនួន៥ ៤៤៧នាក់។
សូមជម្រាបថា តំបន់ទេសចរណ៍ទាក់ទាញនៃខេត្តសៀមរាប សុទ្ធសឹងតែមានលក្ខណៈពិសេស ដែលធ្វើឲ្យភ្ញៀវទេសចរអាចកម្សាន្តសប្បាយ។ ខេត្តសៀមរាប មានប្រាសាទជាច្រើន ដែលប្រមូលផ្ដុំដោយវប្បធម៌ និងប្រវត្តិសាស្ត្រ។ ជាមួយគ្នានេះ ខេត្តសៀមរាប ក៏មានតំបន់សហគមន៍ទេសចរណ៍ដ៏សម្បូរបែបផងដែរ៕
© រក្សាសិទ្ធិដោយ thmeythmey.com
Tag:
