.png)
.png)
.jpg)
.jpg)
ក្រសួងវប្បធម៌ រៀបចំ«ពិព័រណ៍ស្នាដៃសិប្បកម្មដូនតា» ពីថ្ងៃទី២០-២២ ខែធ្នូ នៅសារមន្ទីរខ្លែងខ្មែរ
- ថ្ងៃសុក្រ ទី២០ ខែធ្នូ ឆ្នាំ២០២៤ ម៉ោង ៧:៥៩ នាទី ព្រឹក
ភ្នំពេញ៖ សារមន្ទីរខ្លែងខ្មែរ នឹងបើកទ្វារទទួលស្វាគមន៍សាធារណជនចូលទស្សនា «ពិព័រណ៍ស្នាដៃសិប្បកម្មដូនតា» ចាប់ពីម៉ោង ៩ព្រឹក ដល់ម៉ោង ៨:៣០នាទីយប់ រយៈពេល៣ថ្ងៃ គឺពីថ្ងៃទី២០-២២ ខែធ្នូ។
«ពិព័រណ៍ស្នាដៃសិប្បកម្មដូនតា»នេះ ផ្តួចផ្តើមរៀបចំដោយក្រសួងវប្បធម៌ និងវិចិត្រសិល្បៈ ក្នុងគោលបំណងផ្តល់ឱកាសឱ្យសាធារណជន បានស្វែងយល់ អំពីសិប្បកម្មប្រពៃណីតាមសហគមន៍នានា ក្នុងប្រទេសកម្ពុជា។ ពិព័រណ៍នេះ ក៏មានបំណងរៀបចំបង្ហាញជូនសាធារណជន បានស្វែងយល់ពីស្នាដៃនៃការបណ្តុះបណ្តាលជំនាញវិជ្ជាជីវៈដូនតា និង អបអរសាទរ «ក្រមា» ត្រូវបានអង្គការយូណេស្កូ កាល ចុះក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ កាលពីថ្ងៃទី៤ ខែធ្នូ ឆ្នាំ២០២៤ ផងដែរ។
បើតាមទំព័រហ្វេសប៊ុកក្រសួងវប្បធម៌ ពិព័រណ៍នេះ មានកម្មវិធីសំខាន់ៗដូចជា ការបង្ហាញជំនាញរបស់សិប្បករ, កម្មវិធីស្វែងយល់ពីសិប្បកម្មប្រពៃណី ,បទបង្ហាញអំពីសិល្បៈកាច់ផ្កា ចាក់ស្មុក ដេរប៉ាក់ លម្អក្រណាត់ សិល្បៈគំនូរ ចម្លាក់ ផាត់ពណ៌, ការស្វែងយល់អំពីមរតកខ្លែងខ្មែរ និងគំនិតច្នៃប្រតិដ្ឋ, បទបង្ហាញអំពីជំនាញវិជ្ជាជីវៈដូនតា, ការបង្ហាញទេពកោសល្យសិល្បៈកុមារ, ការស្វែងយល់អំពីតម្បាញក្រមា និងវប្បធម៌ខ្មែរ, ការបង្ហាញបច្ចេកទេសបុរាណក្នុងវិជ្ជាស្មូនក្អម-ឆ្នាំង, ការបង្ហាញម៉ូតសម្លៀកបំពាក់ច្នៃប្រតិដ្ឋពីក្រមា, ការសម្តែងឧបករណ៍តន្រ្តីទោល និងការប្រគុំតន្ត្រី ចម្រៀង រាំកម្សាន្ត។
សារមន្ទីរខ្លែងខ្មែរ មានទីតាំងនៅវិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ៕
© រក្សាសិទ្ធិដោយ thmeythmey.com
