.jpg)
.jpg)
អគារព្រះវិហារគ្រិស្តមួយកន្លែង សង់អំឡុងទសវត្សរ៍ឆ្នាំ១៩១០ ត្រូវបានពលរដ្ឋបែងចែកគ្នារស់នៅ
- ថ្ងៃអាទិត្យ ទី៥ ខែមករា ឆ្នាំ២០២៥ ម៉ោង ៨:៥៩ នាទី ព្រឹក
ភ្នំពេញ ៖ នៅកណ្ដាលទីក្រុងភ្នំពេញ មានអគារបុរាណមួយចំនួនដែលអ្នកភ្នំពេញមិនសូវស្គាល់ ប៉ុន្មានទេ។ ស្ថិតនៅក្បែរមាត់ទន្លេសាប នៅចន្លោះស្ពានជ្រោយចង្វារ និងរង្វង់មូលវត្តភ្នំ មានវិហារសាសនាព្រះគ្រិស្ត និកាយកាតូលិកមួយ ដែលត្រូវបានសាងសង់ឡើងនាទសវត្សរ៍១៩១០។ កាលពីមុនរំដោះពីរបបខ្មែរក្រហមវិហារនេះមានដីធ្លីជុំវិញ ដែលធ្វើឱ្យមើលវាឃើញពីឆ្ងាយ។ កាលពីពេលមុន វាស្ថិតនៅក្នុងបរិវេណវត្តអារាមបព្វជិតាក្រុមគ្រួសារឧបការគុណ។ ក៏ប៉ុន្តែដោយសារដូនជីទាំងអស់ បានចាកចេញពីប្រទេស ត្រឹមឆ្នាំ១៩៧៥ ប្រជាជន៦គ្រួសារ បានយកវិហារសាសនាព្រះយេស៊ូនេះ បែងចែកធ្វើជាគេហដ្ឋានវិញ។ លើសពីនេះទៅទៀត ពលរដ្ឋជិត១៥គ្រួសារទៀត បានសាងសង់ផ្ទះជាប់វិហារ ដែលធ្វើឱ្យពិបាកឃើញវាណាស់។ ខាងក្នុងគេបានកែច្នៃអស់រលីងហើយ។ ខាងក្រៅវិញ នៅសល់ក្បាច់ និងថ្មឈើឆ្កាងនៅកំពូលដំបូល។ អ្វីដែលគេមិនសូវបានប៉ះពាល់ គឺជាផ្នែកខាងលើ។ ទោះបីជាគេមិនថែរក្សាវាក៏ដោយ ផ្នែកខាងលើនៅតែមានស្ថាបនា ដែលស្រួលយល់ថា តាមពិតអគារនេះជាព្រះវិហារមួយខ្នង។
សូមទស្សនាវីដេអូខាងក្រោមនេះ៖
បព្វជិតា អាន លូស៊ី ង្វៀន គាមង៉ា បានបញ្ជាក់សារព័ត៌មានឌីជីថលថ្មីៗថា កាលពីចាប់ផ្ដើមសង្គ្រាមស៊ីវិល ឆ្នាំ១៩៧០ គាត់រស់នៅក្នុងវត្តអារាមនៃវិហារនេះ។ ពេលនោះ ព្រះវិហារនេះគ្រាន់តែជាអាគារមួយ ក្នុងចំណោមច្រើននៅក្នុងវត្ត។ លោកយាយរំឭកប្រាប់ថា ក៏មានផ្ទះរស់នៅរបស់ដូនជីផង ទាំងមណ្ឌលកូនកំព្រាផង ទាំងមន្ទីសម្រាកព្យាបាលផង ទាំងសាលាមត្តេយ្យ និងសាលារៀនបឋមសិក្សាផង ទាំងអនុវិទ្យាល័យ និងវិទ្យាល័យសម្រាប់សិស្សស្រីផង ទាំងកន្លែងបញ្ចុះសពផង។ ដីធ្លីដ៏ធំណាស់នេះ មានព្រំប្រទល់ខាងជើងមានស្ពានជ្រោយចង្វារ ខាងកើតមានទន្លេសាប ខាងត្បូងមានវត្តព្រះពុទ្ធឃោសាចារ្យទួលតាហោ ហើយខាងលិចមានផ្លូវនៃប្រទេសបារាំង និងស្តូបរូបពីរ។ អំឡុងជំនាន់ លន់ នល់ ក្រុមគ្រួសារឧបការគុណ បានទទួលជនភៀសខ្លួនរាប់ពាន់អ្នក ស្នាក់នៅក្នុងវិហារក៏មាន។ ដោយឡែកនាពេលដែលក្រុមដូនជី ត្រលប់ទៅវត្តអារាមរបស់ខ្លួនវិញ ឆ្នាំ១៩៩៣ ដោយសារមនុស្សមួយចំនួនកំពុងតែរស់នៅទីនោះ ពួកគាត់បានទិញដីធ្លីថ្មីវិញ ក្នុងតំបន់ព្រៃមួយ នៅខណ្ឌមានជ័យ។
នាពេលបច្ចុប្បន្ន ដីធ្លីនេះមានផ្ទះប្រជាពលរដ្ឋប្រមាណ ១០០ខ្នងខាងត្បូង និងសាលារៀនវត្តភ្នំខាងជើង។ ព្រះវិហាររបស់បព្វជិតាឧបការគុណ ស្ថិតនៅផ្លូវ៧៨ សង្កាត់ស្រះចក ខណ្ឌដូនពេញ រាជធានីភ្នំពេញ ជិតផ្លូវមាត់ទន្លេ (វិថី សីសុវត្ថិ)៕
អត្ថបទទាក់ទង
© រក្សាសិទ្ធិដោយ thmeythmey.com
