.png)
.png)
.jpg)
.jpg)
ចាន់ វឌ្ឍនាកា ដាច់សរសៃ ACL ជើងឆ្វេង បន្ទាប់ពីដាច់សរសៃជើងស្តាំ កាលពីឆ្នាំ ២០២២
- ថ្ងៃព្រហស្បតិ៍ ទី១៦ ខែមករា ឆ្នាំ២០២៥ ម៉ោង ៥:៣៦ នាទី ល្ងាច
សោកស្តាយ! ចាន់ វឌ្ឍនាកា រងបញ្ហារបួសដាច់សរសៃពួរជង្គង់ ACL ខាងឆ្វេង រួមទាំងបែក ទ្រនាប់ឆ្អឹងខ្ចីជង្គង់។ នេះបើតាមសេចក្តីប្រកាសរបស់ក្លិបបឹងកេត នៅថ្ងៃទី១៦ ខែមករា បន្ទាប់ពី អតីតកីឡាឆ្នើមក្រុមជម្រើសជាតិកម្ពុជារូបនេះ ទទួលការស្គែន MRI រួច។
អតីតខ្សែប្រយុទ្ធឆ្នើមក្រុមគោព្រៃកម្ពុជា ភ្លាត់ជង្គង់ និងត្រូវប្តូរចេញភ្លាមៗ អំឡុងការប្រកួតរវាងបឹងកេត ទល់កំពង់ចាម ពានរង្វាន់សម្តេចហ៊ុន សែន នៅរសៀលថ្ងៃទី១៥ ខែមករា។
ចាន់ វឌ្ឍនាកា ធ្លាប់រងរបួស ACL ម្តងរួចមកហើយ កាលពីឆ្នាំ ២០២២ ប៉ុន្តែនៅជើងខាងស្តាំ ក្រោយប៉ះទង្គិចជាមួយកីឡាករវិសាខា ក្នុងជំនួបបឹងកេត-វិសាខា នៃពានរង្វាន់ Prince Beer Pre-season Cup។
ក្រោយចេញលទ្ធផលស្គែន MRI ម្ចាស់អាវលេខ១១ ប្រចាំក្រុមបឹងកេត បានសរសេរលើផេកហ៊េសប៊ុករបស់ខ្លួនថា៖ «ជម្រាប ពុកម៉ែ អុំពូមីង យាយតា បងប្អូនទាំងអស់គ្នា គ្រប់យ៉ាងគឺត្រូវតែទទួលយកទោះជាលទ្ធផលបែបណាក៏ដោយ ខ្ញុំត្រូវទទួលបាននៅលទ្ធផលដល់អាក្រក់មួយគឺរងការដាច់សសៃពួរជង្គង់ខាងឆ្វេង (ACL) និង ដាច់បែកទ្រនាប់ឆ្អឹងខ្ចីជង្គង់ (meniscus)។ អរគុណគ្រប់គ្នានូវការបារម្ភ និង ជូនពរមកកាន់ខ្ញុំ គ្រប់យ៉ាងគឺរង់ចាំការប្រជុំដើម្បីសម្រេចធ្វើតាមក្រុមគ្រូពេទ្យជំនាញ»៕
អត្ថបទទាក់ទង
© រក្សាសិទ្ធិដោយ thmeythmey.com
.gif)