.png)
.jpg)
.jpg)
បច្ចុប្បន្ន កម្ពុជាមានចំនួនរោងកុន ស្មើនឹង៥០ឆ្នាំមុន ខណៈចំនួនប្រជាជនច្រើនជាង៣ដង
- ថ្ងៃចន្ទ ទី២៧ ខែមករា ឆ្នាំ២០២៥ ម៉ោង ៨:៥៩ នាទី ព្រឹក
ភ្នំពេញ៖ ត្រឹមឆ្នាំ១៩៧០ មានរោងភាពយន្ដ ២៤កន្លែង ទូទាំងប្រទេសជាតិ។ សម័យនោះ ព្រះរាជា ណាចក្រកម្ពុជាមានប្រជាជន ៦លាននាក់។ នាពេលបច្ចុប្បន្ននេះវិញ មានរោងភាពយន្ដ ២៤កន្លែង។ ក៏ប៉ុន្តែមានប្រជាជន ១៧លាននាក់។ នៅរាជធានីភ្នំពេញ មានអតីតរោងភាពយន្ដ ៤កន្លែង។ ក្នុងចំណោមនោះ មានរោងភាពយន្តហេមជាតិ ដែលត្រូវបានសាងសង់ជិត៧០ឆ្នាំហើយ។ រហូតដល់សង្គ្រាមស៊ីវិល ម្ចាស់រោងកុននេះ ជាផលិតករភាពយន្តមួយ ដ៏ល្បីល្បាញមួយរូប គឺលោក លី ប៊ុនយីម។ ខាងក្នុងមានប្រមាណ ១ ០០០កៅអី ទាំងជាន់ក្រោម ទាំងជាន់លើ។ ដោយឡែក តាំងពី៤០ឆ្នាំ គ្រួសារមួយចំនួន បានយករោងភាពយន្ដហេមជាតិ ធ្វើជាគេហដ្ឋានវិញ។ វាខូចច្រើនណាស់។ គេលែងបញ្ចាំងកុន តាំងពីសម័យ លន់ នល់។
សូមអញ្ជើញលោកអ្នកនាងទស្សនាវីដេអូខាងក្រោមនេះ៖
ការថត និងបញ្ចាំងកុន ត្រូវបានបង្កើតនាឆ្នាំ១៨៩៤ នៅប្រទេសបារាំង ដោយបងប្អូនបង្កើត២រូប : LUMIÈRE Auguste និង Louis ។ ដោយចៃដន់ ពាក្យបារាំង lumière មានន័យថា ពន្លឺ ហើយគ្រឿងផ្សំសំខាន់ជាងគេ ដើម្បីថត និងបញ្ចាំងភាពយន្ដ គឺពន្លឺនោះហើយ ! កាលពីសម័យរោងភាយន្ដ លុច បូកគោ ហេមជាតិ។ ល។ នៅរាជធានីភ្នំពេញ មានសាលបញ្ចាំងកុន ១០កន្លែង ហើយឆ្នាំ១៩៧១ ខ្មែរបានផលិតខ្សែភាពយន្ដខ្នាតវែង ច្រើនជាង១៥០ចំណងជើង។ ខណៈបច្ចុប្បន្ននេះ នៅក្រុងភ្នំពេញ មានរោងកុន២០កន្លែង ក៏ប៉ុន្តែក្នុងមួយឆ្នាំ ខ្មែរផលិតខ្សែភាពយន្ដខ្នាតវែង ចំនួនប្រមាណ២៥រឿង។
អតីតរោងភាពយន្ដហេមជាតិ ស្ថិតនៅរុក្ខវិថីខេមរភូមិន (ផ្លូវ១៣០) រវាងផ្លូវ១៥ និងផ្លូវ១៩ ក្នុងសង្កាត់ផ្សារចាស់ ខណ្ឌដូនពេញ។ សូមបញ្ជាក់ថា ពាក្យ ហេម មានន័យថា មាស៕
© រក្សាសិទ្ធិដោយ thmeythmey.com
