.png)
.png)
.jpg)
.jpg)
រដ្ឋមន្រ្តីមុខងារ រំឭកពីការលះបង់របស់អ្នកដឹកនាំជំនាន់មុន ដែលអ្នកជំនាន់ក្រោយមានកាតព្វកិច្ចបន្តថែរក្សាសន្តិភាព
- ថ្ងៃអាទិត្យ ទី២ ខែមីនា ឆ្នាំ២០២៥ ម៉ោង ៥:៥៩ នាទី ល្ងាច
លោកឧបនាយករដ្ឋមន្រ្តី ហ៊ុន ម៉ានី រដ្ឋមន្រ្តីក្រសួងមុខងារសាធារណៈ។ រូបភាពពីក្រសួងមុខងារសាធារណៈ។
ភ្នំពេញ៖ ពីពិធីសម្ពោធសមិទ្ធផលនានាក្នុងវត្តអូរព័ទ្ធ ស្ថិតក្នុងស្រុកបាទី ខេត្តតាកែវ លោក ហ៊ុន ម៉ានី បានរម្លឹកពីសមិទ្ធផលនៃសុខសន្តិភាព ដែលរកបានដោយលំបាក ក្រោមការលះបង់របស់អ្នកជំនាន់មុន។ សម្រាប់លោកឧបនាយករដ្ឋមន្រ្តី ភាពសម្បូរសប្បាយរបស់ប្រជាជនកម្ពុជាបច្ចុប្បន្ន គឺជាសមិទ្ធផលនៃការលះបង់មិនអាចកាត់ថ្លៃបានរបស់វីរជនជំនាន់មុន ដែលបានលះបង់សាច់ស្រស់ឈាមស្រស់ និងយកជីវិតធ្វើជាដើមទុនក្នុងបុព្វហេតុសន្តិភាពដែលមានសព្វថ្ងៃ។
លោកឧបនាយករដ្ឋមន្រ្តី ហ៊ុន ម៉ានី រដ្ឋមន្រ្តីក្រសួងមុខងារសាធារណៈ បានលើកពីដំណើរបន្តស្វែងរកសន្តិភាព បង្រួបបង្រួមជាតិកម្ពុជា ក្នុងពិធីសម្ពោធសមិទ្ធផលនានាក្នុងវត្តមួយ នៅខេត្តតាកែវ។ ជាថ្នាក់ដឹកនាំយុវជនមួយដ៏មានសក្ដានុពល លោក ហ៊ុន ម៉ានី មិនអាចបំភ្លេចបាននូវការលះបង់របស់អ្នកជំនាន់មុន ជាពិសេសសម្ដេច ហ៊ុន សែន បានឡើយ។
«ក្នុងដំណើរបន្តស្វែងរកសន្តិភាព បង្រួបបង្រួមជាតិ ឯកភាពជាតិ និងផ្សះផ្សាជាតិ បញ្ចប់សង្គ្រាមនៅកម្ពុជា គឺមិនអាចបំភ្លេចបាននូវការលះបង់ដ៏ធំធេងក្នុងបុព្វហេតុជាតិមាតុភូមិរបស់អ្នកជំនាន់មុន ជាពិសេសសម្ដេច ហ៊ុន សែន បានឡើយ ដោយលោកបានដាក់ជីវិតធ្វើជាដើមទុនក្នុងដំណើរសង្រ្គោះជីវិតប្រជាជនពីរបបប្រល័យពូជសាសន៍»។ លោក ហ៊ុន ម៉ានី រំឭកដូច្នេះ ដោយបន្តថា សម្ដេច ហ៊ុន សែន គឺជាស្ថាបនិក និងប្រតិបត្តិករនយោបាយឈ្នះឈ្នះ ដែលនាំមកនូវសន្តិភាពជូនជាតិនិងប្រជាជន។
លោក ហ៊ុន ម៉ានី សង្កត់ធ្ងន់ថា សមិទ្ធផលថ្ងៃនេះ កើតចេញពីការដឹកនាំក្រោមបេសកកម្មធំៗចំនួន២ នៅក្នុងជីវិតរបស់សម្ដេចតេជោ។ បេសកកម្មទាំងនោះ គឺការមិនឱ្យប្រជាពលរដ្ឋរងទុក្ខវេទនាដូចអតីតកាល ជាពិសេសដូចជារបបប្រល័យពូជសាសន៍ ប៉ុល ពត និងការប្រឹងប្រែងអភិវឌ្ឍប្រទេសជាតិឥតឈប់ឈរ។
សម្រាប់លោកឧបនាយករដ្ឋមន្រ្តី ភាពសម្បូរសប្បាយរបស់ប្រជាជនកម្ពុជាបច្ចុប្បន្ន ជាសមិទ្ធផលនៃការលះបង់មិនអាចកាត់ថ្លៃបានរបស់វីរជនជំនាន់មុន ដែលបានលះបង់សាច់ស្រស់ឈាមស្រស់ និងយកជីវិតធ្វើជាដើមទុនក្នុងបុព្វហេតុសន្តិភាពដែលមានសព្វថ្ងៃ។ នេះបើតាមក្រសួងមុខងារសាធារណៈ៕
© រក្សាសិទ្ធិដោយ thmeythmey.com
Tag:
.gif)