.png)
.jpg)
.jpg)
ក្រសួងសុខាភិបាល បានកែលម្អពេទ្យឯកជនជិត៦០០កន្លែង
- ថ្ងៃអង្គារ ទី៤ ខែមីនា ឆ្នាំ២០២៥ ម៉ោង ១១:២៩ នាទី ព្រឹក
ភ្នំពេញ ៖ ក្រសួងសុខាភិបាល បានត្រួតពិនិត្យ និងកែលម្អទីកន្លែងសុខាភិបាលឯកជន បានចំនួន៥៩៤កន្លែង។ នេះបើតាមលោក ឈាង រ៉ា រដ្ឋមន្រ្តីក្រសួងសុខាភិបាល ដែលបន្ថែមថាការកែលម្អនេះ គឺជាការស្ម័គ្រចិត្តរបស់ម្ចាស់មន្ទីរពេទ្យ ដើម្បីបើកឡើងវិញឱ្យមានភាពល្អប្រសើរ និងស្របច្បាប់។
សូមលោកអ្នកទស្សនាវីដេអូខាងក្រោម៖
ក្នុងសន្និសីទសារព័ត៌មានសន្និបាតសុខាភិបាលលើកទី៤៤ លោក ឈាង រ៉ា លើកឡើងថា លើសពីការកែលម្អមន្ទីរពេទ្យឯកជន ក្រសួងសុខាភិបាល ក៏បានអភិវឌ្ឍន៍ធនធានមនុស្ស ដើម្បីលើកកម្ពស់គុណភាពសេវាសុខាភិបាលផងដែរ។
លោក ឈាង រ៉ា អះអាងដូច្នេះ៖ «ការបណ្ដុះបណ្ដាលធនធានមនុស្សក៏បានធ្វើសម្រាប់និស្សិតឯកទេសវេជ្ជបណ្ឌិត ដែលកំពុងបំពេញភារកិច្ច និងបណ្ដុះបណ្ដាលបន្ថែមដើម្បីបានជាគ្រឹះក្នុងការលើកកម្ពស់គុណភាពសេវាសុខភាព»។
ជាមួយគ្នានេះ រដ្ឋមន្រ្តីក្រសួងសុខាភិបាលលោក ឈាង រ៉ា បានបញ្ជាក់ថា ក្នុងឆ្នាំ២០២៥នេះ ក្រសួងក៏បានបង្កើនសមត្ថភាពក្នុងការបម្រើសេវាសុខភាពជូនប្រជាពលរដ្ឋ និងពង្រឹងវឌ្ឍនភាពនៃការគ្របដណ្ដប់សេវាថែទាំសុខភាពតាមរយៈការគាំពារសង្គម និងប្រព័ន្ធមូនិធិសមធម៌៕
© រក្សាសិទ្ធិដោយ thmeythmey.com
Tag:
