ជាតិ  បទសម្ភាសន៍  វីដេអូ 
អច្ឆរិយនៃធម្មជាតិ នៅអាងចិញ្ចឹមត្រី និងសត្វព្រៃ នៅខេត្តសៀមរាប
  • ថ្ងៃអង្គារ ទី១៨ ខែមីនា ឆ្នាំ២០២៥ ​​ ម៉ោង ៧:៥៩ នាទី ព្រឹក
អច្ឆរិយនៃធម្មជាតិ នៅអាងចិញ្ចឹមត្រី និងសត្វព្រៃ នៅខេត្តសៀមរាប
រូបភាព៖​Angkor Wildlife and Aquarium
សៀមរាប៖ Angkor Wildlife and Aquarium ជាគោលដៅទេសចរណ៍​ទាក់ទាញ​មួយ ក្នុង​ខេត្តសៀមរាប ដែលបង្ហាញពីជីវៈចម្រុះសម្បូរបែប របស់កម្ពុជា​។ ពីអាងចិញ្ចឹមត្រី ដែល​បង្ហាញពីជីវិតរស់រវើក ពីទន្លេ សមុទ្រ ទាំងក្នុងតំបន់ និងក្រៅតំបន់ រហូតដល់ប្រភេទ​សត្វ​ព្រៃជាច្រើនប្រភេទ។ លើសពីការទស្សនាកម្សាន្តទីនេះ បង្កើតឡើងដើម្បី​ចូលរួម​លើ​ក​កម្ពស់ការអភិរក្ស និងការយល់ដឹងអប់រំពីបរិស្ថាន សត្វព្រៃ ទៅកាន់សាធារណជន។
TTN-Free-Banner-In-Article-PC

 
ដើម្បីជ្រាបច្បាស់សូមលោកអ្នកនាងទស្សនាវីដេអូដូចតទៅ៖
 

ប្រភេទត្រី និងសត្វព្រៃជាច្រើនប្រភេទ ដែលមានវត្តមានក្នុងប្រទេសកម្ពុជា ក្លាយជាសត្វ​កម្រ។ ក្រោមរូបភាពអភិរក្ស វត្តមានសត្វជាច្រើនប្រភេទ បានបង្ហាញពីជីវិតរស់រវើកនៅ Angkor Wildlife and Aquarium រាប់ចាប់ពីពីត្រីទឹកសាបក្នុងប្រទេសកម្ពុជា, ត្រីទឹក​សាបពីព្រៃអាម៉ាហ្សូន, ត្រីសមុទ្រ, សត្វល្មូន និងសត្វព្រៃដទៃទៀត។
 
ជាអាងចិញ្ចឹមត្រីដំបូងគេក្នុងប្រទេស ទីនេះបានដាក់បង្ហាញប្រភេទត្រីកម្រៗ​រាប់សិបក្បាល និង​ចម្រុះពូជ។ ភាពស្រស់ស្អាតនៃអាងចិញ្ចឹមត្រី នៅ Angkor Wildlife and Aquarium គឺ​ជាពិភពក្រោមទឹក ដ៏គួរឱ្យស្ញប់ស្ញែង ក្នុងទេសភាពក្រោមទឹកពណ៌ខៀវ ដ៏ស្ងប់ស្ងាត់ និង​ភាពរស់រវើក នៃចលនាមួយៗរបស់ហ្វូងមច្ឆា។ 
 
ត្រីរាជធំណាស់ ប៉ុន្តែត្រីនេះស្លូតណាស់ វាមិនស៊ីត្រីដទៃ ហើយក៏មិនបង្កគ្រោះថ្នាក់ដល់​មនុស្សដែរ។ ប្រហែលមកពីភាពស្លូតត្រង់នេះហើយ ដែលវាក្លាយជាត្រីទឹកសាបកម្រ និង​ឈាន​ទៅរកការផុតពូជ។ កាលពីឆ្នាំ១៩៥៦ គឺចាប់តាំងពីសម័យសង្គមរាស្ត្រនិយម​មកត្រី​រាជ ត្រូវបានហាមឃាត់ការនេសាទ ទិញលក់ និងដឹកជញ្ជូន។ នៅក្នុងអាងត្រីដ៏ធំនេះ មាន​វត្តមានត្រីជាច្រើនផ្សេងទៀត ដែលជាប្រភេទត្រីកម្រ ហើយគេអាចដឹងពីពត៌មានផ្សេងៗ ពីត្រីទាំងនោះបាន តាមរយៈផ្ទាំងព័ត៌មាននៅពីមុខអាងកញ្ចក់នេះ។  
 
ចេញពីត្រីទឹកសាប យើងក៏ទៅដល់ពិភពបាតសមុទ្រ។ ស្ទើរតែគ្មានពាក្យ​នឹងពិពណ៌នា ពី​ពិភព​បាតសមុទ្រនេះ។ ពិភពក្រោមទឹក នៅ Angkor Wildlife and Aquarium ហាកបីដូច​នាំអ្នកទស្សនា មុជចូលជ្រៅ ទៅពិភពបាតសមុទ្រ ដោយហ៊ុមព័ទ្ធដោយទឹកថ្លាឆ្វង់ រួមនឹង​វត្តមាន​ពួកហ្វូងមច្ឆា និងផ្កាថ្មចម្រុះពណ៌។ 
 
ពីពពួកត្រីតូចបំផុត ទៅប្រភេទត្រីធំបំផុត ស្ថិតក្នុងអាចជាមួយគ្នា បង្កើតបានជាលំនៅដ៏​សុខ​ដុមរមនា ដូចជាត្រីឆ្លាម បបែល និងក្រុមត្រីតូចៗជាច្រើនទៀត ផ្លាស់ទីចុះឡើង ពេញ​ផ្ទៃទឹកក្នុងអាង។ ឯម្ដងម្កាល គេក៏ឃើញអ្នកមុជទឹក ចុះមកឱ្យចំណីត្រី និងសំអាតអាង​ទឹក​នេះផងដែរ។ 
ប្រសិនបើលោកអ្នកនាង មកកាន់ Angkor Wildlife and Aquarium រំពឹងមកទស្សនាការ​សម្ដែងរបស់សត្វទាំងនោះ គឺលោកអ្នកគិតខុសហើយ។ ទីនេះជាកន្លែងដែលមើលថែសត្វ និងមិនប្រើហិង្សា ឬការបង្ខំឱ្យសត្វសម្ដែងនោះឡើយ។ ពោល ទីនេះជាមជ្ឈមណ្ឌលជួយ សង្គ្រោះ និងអភរិក្សសត្វព្រៃ។ ដូច្នេះទីនេះស័ក្តសមបំផុត សម្រាប់អ្នកស្រឡាញ់សត្វ និង​ចង់ឃើញពីការរស់នៅរបស់ពួកវា។ 
 
គួរជម្រាបផងដែរថា​ Angkor wildlife and Aquarium ស្ថិតក្នុងស្រុកសូត្រនិគម ខេត្តសៀម​រាប និងមានចម្ងាយជាង ២០គីឡូម៉ែត្រ ពីទីប្រជុំជនក្រុងសៀមរាប។ ដើម្បីភាពងាយស្រួល លោកអ្នកនាង អាចប្រើប្រាស់ Google map ដោយវាយ «Angkor Wildlife and Aquarium» ឬ​ចុចតំណភ្ជាប់នេះ https://maps.app.goo.gl/bjQxB247BPbRfcnJ7?g_st=it។
 
ព័ត៌មានបន្ថែមលោអ្នកនាង អាចទំនាក់ទំនងតាមលេខទូរស័ព្ទលេខ ០៨១ ៥០២ ៥៥៥ និង ០៦១ ៥០២ ៥៥៥៕
អ្នកសរសេរអត្ថបទ
© រក្សាសិទ្ធិដោយ thmeythmey.com
Tag:

ស៊ុល រ៉វី