.png)
.jpg)
.jpg)
«សង្ក្រាន្តរតនគិរី ឆ្នាំ២០២៥» នឹងរៀបចំរយៈពេល៣ថ្ងៃ នៅបរិវេណមន្ទីរវប្បធម៌ខេត្ត
- ថ្ងៃអង្គារ ទី១៨ ខែមីនា ឆ្នាំ២០២៥ ម៉ោង ៥:៥៩ នាទី ល្ងាច
លោក ញ៉ែម សំអឿន អភិបាលខេត្តរតនគិរី លេងល្បែងប្រជាប្រិយខ្មែរ។
នៅក្នុងឱកាសពិធីបុណ្យចូលឆ្នាំថ្មី ប្រពៃណីខ្មែរខាងមុខ រដ្ឋបាលខេត្តរតនគិរី នឹងរៀបចំព្រឹត្តិការណ៍សង្រ្កាន្តរតនគិរីឆ្នាំ២០២៥ រយៈពេល៣ថ្ងៃ ចាប់ពីថ្ងៃទី១៤-១៦ ខែមេសា នាបរិវេណមន្ទីរវប្បធម៌ និងវិចិត្រសិល្បៈខេត្ត។ ក្នុងព្រឹត្តិការណ៍នេះ នឹងមានការលេងល្បែងប្រជាប្រិយខ្មែរ ការប្រគំតន្រ្តី ការបង្ហោះគោម និងបាញ់កាំជ្រួចជាដើម។ --r
ព្រឹត្តិការណ៍សង្ក្រាន្តរតនគិរីឆ្នាំ២០២៥នេះ ត្រូវបានរៀបចំដើម្បីអបអរសាទរទទួលទេវតាឆ្នាំថ្មី និងជាឱកាសដ៏ល្អសម្រាប់ប្រជាពលរដ្ឋទូទៅបានជួបជុំក្រុមគ្រួសារ និងញាតិមិត្តជិតឆ្ងាយ។ លើសពីនេះ ពិធីបុណ្យចូលឆ្នាំខ្មែរ ជាទំនៀមទម្លាប់ប្រពៃណីជាតិខ្មែរដ៏ល្អឯកតាំងពីបុរាណកាលមក។
រូបភាពពីហ្វេសប៊ុកលោក ញ៉ែម សំអឿន អភិបាលខេត្តរតនគិរី។
ក្នុងព្រឹត្តិការណ៍សង្ក្រាន្តរតនគិរី ឆ្នាំ២០២៥នេះ រដ្ឋបាលខេត្តរតនគិរី នឹងមានរៀបចំការប្រគំតន្ត្រីសម័យ បុរាណ ការរាំលេងកម្សាន្ត ការតាំងពិព័រណ៍បង្ហាញផលិតផល សម្ភារប្រើប្រាស់ក្នុងស្រុក ការបង្ហោះគោម បាញ់កាំជ្រួច និងការលេងល្បែងប្រជាប្រិយរបស់ជាតិជាដើម។
រដ្ឋបាលរតនគិរី អំពាវនាវដល់ពលរដ្ឋ និងភ្ញៀវទេសចរជាតិ-អន្តរជាតិ មកចូលរួមកម្សាន្តសប្បាយរីករាយឱ្យបានច្រើនកុះករ ដើម្បីរួមចំណែកលើកកម្ពស់វប្បធម៌ ប្រពៃណីជាតិខ្មែរ កិត្យានុភាពជាតិ ពិសេសសក្តានុពលនៃ ខេត្តរតនគិរី។ នេះបើតាមសេចក្ដីជូនដំណឹងរបស់រដ្ឋបាលខេត្តរតនគិរី៕
អត្ថបទទាក់ទង
រូបភាពពីហ្វេសប៊ុកលោក ញ៉ែម សំអឿន អភិបាលខេត្តរតនគិរី។
© រក្សាសិទ្ធិដោយ thmeythmey.com
Tag:
