.png)
.jpg)
.jpg)
តើលោក Koji អាចជួយគោព្រៃកម្ពុជា បញ្ចប់កំណត់ត្រាចាញ់វៀតណាម បានឬទេ?
- ថ្ងៃពុធ ទី១៩ ខែមីនា ឆ្នាំ២០២៥ ម៉ោង ៤:២៩ នាទី រសៀល
ក្រុមកីឡាបាល់ទាត់ជម្រើសជាតិកម្ពុជា ត្រូវជួបម្ចាស់ផ្ទះវៀតណាម ក្នុងការប្រកួតមិត្តភាពអន្តរជាតិ នៅកីឡដ្ឋាន Go Dau, ខេត្ត Binh Duong វេលាម៉ោង ៧ និង ៣០នាទីល្ងាច ថ្ងៃទី១៩ ខែមីនា ។ គោព្រៃ មិនធ្លាប់ឈ្នះ ឬស្មើ វៀតណាមឡើយក្នុងការជួបគ្នា៦លើកចុងក្រោយ។ តើលោក Koji Gyotoku អាចដឹកនាំកម្ពុជា បញ្ចប់កំណត់ត្រាចាញ់ម្ចាស់ជើងឯក ASEAN Cup 2024 បានដែរឬទេ សម្រាបជំនួបមិត្តភាពនេះ?
ជួបគ្នា៦លើកចុងក្រោយ គិតចាប់តាំងពីឆ្នាំ ២០០៤មក កម្ពុជា ចាញ់វៀតណាម ទាំង៦លើក ក្នុងនោះ ៤លើកក្នុងការប្រកួត ASEAN Cup និង ២លើក នៅ AFC Asian Cup។ ជំនួបចុងក្រោយ កម្ពុជា ចាញ់វៀតណាម ៤-០ នៅ ASEAN Cup ឆ្នាំ ២០១៩។ ២៥គ្រាប់ ដែលវៀតណាម ទម្លាយសំណាញទីកម្ពុជា ខណៈគោព្រៃរកបាន៣គ្រាប់ប៉ុណ្ណោះ។
លោក Koji Gyotoku ទទួលស្គាល់ថានេះជាការប្រកួតដ៏លំបាកសម្រាប់កម្ពុជា ប៉ុន្តែជ័យជម្នះជាគោលដៅចម្បងរបស់ក្រុមខ្លួន ទោះវៀតណាមជាក្រុមខ្លាំង និងជាក្រុមការពារតំណែងជើងឯកក្នុងតំបន់ក៏ដោយ។
«យើងមិនបានត្រៀមខ្លួនឲ្យបានល្អសម្រាប់ការប្រកួតនេះទេ ប៉ុន្តែយើងនៅតែចង់បង្ហាញពីសមត្ថភាពរបស់យើងដល់អ្នកគាំទ្រកម្ពុជា»។ គ្រូបង្វឹកសញ្ជាតិជប៉ុន ប្រាប់អ្នកកាសែតក្នុងសន្និសីទព័ត៌មានមុនប្រកួតដូច្នេះ មុនបន្ថែមថា ខ្លួនបានមើលវីដេអូការប្រកួតរបស់វៀតណាម និងដឹងពីភាពខ្លាំងរបស់ក្រុម យុទ្ធសាស្ត្រ និងការរៀបចំក្រុមដែលជួយពួកគេឱ្យឈ្នះជើងឯកអាស៊ានឆ្នាំ ២០២៤។
វៀតណាម ក្រោមការដឹកនាំរបស់គ្រូកូរ៉េខាងត្បូង Kim Sang-sik បានឈ្នះជើងឯក ASEAN Cup ជាលើកទី៣ តាមរយៈការយកឈ្នះថៃនៅវគ្គផ្តាច់ព្រ័ត្រ ក្នុងលទ្ធផលទាំង២ជើង ៥-៣។
ក្នុងជំនួបលើកទី៧ គិតចាប់ពីឆ្នាំ ២០០៤ តើលោក Koji អាចដឹកនាំគោព្រៃក្នុងនាមជាគ្រូពេញសិទ្ធិ បញ្ចប់កំណត់ត្រាចាញ់វៀតណាមបានដែរឬទេ?
អត្ថបទទាក់ទង
© រក្សាសិទ្ធិដោយ thmeythmey.com
Tag:
