.png)
.jpg)
.jpg)
មុនចូលឆ្នាំ ខេត្តកំពង់ស្ពឺ នឹងរៀបចំពិធីប្រណាំង «រទេះសាឡីគោលឿន»
- ថ្ងៃសុក្រ ទី២១ ខែមីនា ឆ្នាំ២០២៥ ម៉ោង ៩:៥៩ នាទី យប់
អាជ្ញាធរខេត្តកំពង់ស្ពឺ នឹងរៀបចំពិធីប្រណាំង «រទេះសាឡីគោលឿន» នៅថ្ងៃទី៧ ខែមេសា នៅក្នុងភូមិស្នោទី១ សង្កាត់រការធំ ក្រុងច្បារមន។ បើតាមការជូនដំណឹងរបស់មន្ទីរវប្បធម៌ និងវិចិត្រសិល្បៈខេត្តកំពង់ស្ពឺ ចុះថ្ងៃទី២០ ខែមីនាពិធីប្រណាំង «រទេះសាឡីគោលឿន» ត្រូវបានរៀបចំឡើងជារៀងរាល់ឆ្នាំ ដើម្បីចូលរួមអភិរក្ស លើកស្ទួយ អភិវឌ្ឍន៍ និងផ្សព្វផ្សាយ កាន់តែទូលំទូលាយនូវប្រពៃណីប្រណាំងរទេះ ដែលបន្សល់ដោយបុព្វបុរសខ្មែរ។
នៅឆ្នាំនេះមន្ទីរវប្បធម៌ សង្ឃឹមថា ពិធីប្រណាំង «រទេះសាឡីគោលឿន» មុនចូលឆ្នាំថ្មីនេះ នឹងមានពលរដ្ឋចូលរួមទស្សនាច្រើនកុះករដូចរាល់ឆ្នាំដែរ។ បើតាមមន្ទីរវប្បធម៌ និងវិចិត្រសិល្បៈខេត្តកំពង់ស្ពឺ ដើមឡើយ «រទេះសាឡីគោ» ត្រូវបានគេប្រើប្រាស់សម្រាប់តែដឹកជញ្ជូនបណ្ណាការក្នុងពិធីអាពាហ៍ពិពាហ៍ និងដឹកជញ្ជូនលោកយាយ លោកតា ចូលរួមក្នុងពិធីអាអាពាហ៍ពិពាហ៍ បុណ្យប្រពៃណី និងបុណ្យផ្សេងៗទៀតប៉ុណ្ណោះ។
ក្រោយៗមកទៀត អ្នកភូមិក៏បានផ្ដួចផ្ដើមគំនិត បង្កើតពិធីប្រណាំងរទេះសាឡីគោនេះនៅតាមភូមិ តាមសហគមន៍ រហូតនៅតាមទីប្រជុំជន ដើម្បីអបអរពិធីបុណ្យចូលឆ្នាំថ្មីប្រពៃណីខ្មែរ៕
© រក្សាសិទ្ធិដោយ thmeythmey.com
Tag:
