.png)
.jpg)
.jpg)
លោក ឃុន វណ្ណៈ បង្កើត Art home នៅផ្ទះដែលខ្លួនស្នាក់នៅ និងកំពុងថែរក្សាកងដៃបុរាណ៣គ្រឿង
- ថ្ងៃសៅរ៍ ទី២២ ខែមីនា ឆ្នាំ២០២៥ ម៉ោង ៩:២៩ នាទី ព្រឹក
ភ្នំពេញ៖ លោក ឃុន វណ្ណៈ បានបង្កើត Art home នៅក្នុងផ្ទះដែលខ្លួនរស់នៅតែម្តង ដែលស្ថិតនៅជាន់ទី៣ នៃអរគារកម្ពស់៥ជាន់ដ៏ចំណាស់មួយ នៅផ្លូវ៩៣ សង្កាត់មនោរម្យ ខណ្ឌ៧មករា រាជធានីភ្នំពេញ។ លោក ឃុន វណ្ណៈ ដែលជាសិល្បករថតរូបផងនោះ បានតុបតែងផ្ទះស្នាក់នៅរបស់ខ្លួនដ៏ចំណាស់នេះ ដោយរូបថត រូបវិចិត្រ រូបចម្លាក់ និងវត្ថុបុរាណជាច្រើន។ ក្នុងចំនោមវត្ថុទាំងនោះ មានភាជន៍ គ្រឿងអលង្ការ ចម្លាក់ឈើ និងវត្ថុផ្សេងធ្វើអំពីឈើ ពិសេសគឺ លោក វណ្ណៈ កំពុងរក្សាទុកនូវកងដៃ ៣គ្រឿង ធ្វើអំពីស្ពាន់។ លោក វណ្ណៈ មិនដឹងថា តើកងដៃទាំង៣នោះ មានអាយុកាលប៉ុន្មានឆ្នាំហើយនោះទេ។ វាអាចមានអាយុ១០០ឆ្នាំ ឬ២០០ឆ្នាំផងក៏មិនដឹង។ កង់ដៃនេះមាន១គូ ដែលមានក្បាច់ដូចគ្នា ហើយ១គ្រឿងទៀត ដែលមានក្បាច់រាងសំបកខ្យង។ លោក វណ្ណៈ អះអាងថា កង់ដៃទាំង៣នេះមិនមែនដើម្បីបំពាក់សព ពីព្រោះវាគ្មានប្រហោងក្នុងទេ។ គាត់សន្និដ្ឋានថា ជាកង់ដៃថ្វាយទេព។
ដើម្បីជ្រាបច្បាស់សូមអញ្ជើញលោកអ្នកនាងទស្សនាវីដេអូខាងក្រោមនេះ៖
គ្រឿងអលង្ការចាស់ជាងគេបំផុត ដែលត្រូវបានរកឃើញ គឺវានៅប្រទេសក្រូអាស៊ី។ ត្រូវបានឃើញវានាឆ្នាំ១៨៩៩ ហើយវាមានអាយុកាល ១៣០ ០០០ ឆ្នាំ។ គឺជាកម្រងក្រចកសត្វឥន្ទ្រី ដែលគេពាក់។
សាធារណជនអាចទៅទស្សនា Art home បានរៀងរាល់ថ្ងៃ ដោយណាត់មុន : ០៧៧ ២១ ២១ ៧៣ (Telegram WhatsApp) [email protected]។ ក៏អាចជជែកក្នាបានអំពីសិល្បៈ វប្បធម៌ និងប្រវត្តិសាស្ត្រ។ ក៏អាចទិញរូបថត និងរូបវិចិត្របាន។ ក៏អាចទទួលទានបានដែរ : ថ្ងៃត្រង់ម៉ោង១១កន្លះ ពេលល្ងាចម៉ោង៦កន្លះ។ រាល់ថ្ងៃអាទិត្យ អាចទស្សនា Art home បានដោយសេរី ពីម៉ោង២រសៀល ដល់ម៉ោង៧យប់
អត្ថបទទាក់ទង
© រក្សាសិទ្ធិដោយ thmeythmey.com
