.png)
.jpg)
.jpg)
៣ថ្ងៃ ទេសចរជាង៨ម៉ឺននាក់ ទៅទស្សនា«សមរាត្រី» នៅអង្គរវត្ត
- ថ្ងៃអាទិត្យ ទី២៣ ខែមីនា ឆ្នាំ២០២៥ ម៉ោង ២:០៥ នាទី រសៀល
ទេសចរជាង៨ម៉ឺននាក់ ទៅទស្សនាសមរាត្រី ខែប្រាំង នៅប្រាសាទអង្គរវត្ត ចាប់ពីថ្ងៃទី២១ ដល់២៣ ខែមីនា ឆ្នាំ២០២៥នេះ។
សៀមរាប៖ ព្រឹត្តិការណ៍ថ្ងៃរះចំកំពូលកណ្ដាលប្រាសាទអង្គរវត្ត ជាផលិតផលទេសចរណ៍យ៉ាងទាក់ទាញមួយ ក្នុងខេត្តសៀមរាប។ រយៈពេលបីថ្ងៃ ចាប់ពីថ្ងៃទី២១មីនាមក ព្រឹត្តិការណ៍នេះបានទាក់ទាញទេសចរសរុប ៨០ ៤៦៣នាក់ មកទស្សនា ក្នុងនោះមានទេសចរបរទេសជិត ១ម៉ឺននាក់មកទស្សនា។ នេះបើតាមរដ្ឋបាលខេត្តសៀមរាប។
ព្រឹត្តិការណ៍ «សមរាត្រី» នៅប្រាសាទអង្គរវត្ត ជាព្រឹត្តិការណ៍កម្រ ដែលកើតឡើងតែ២ដងប៉ុណ្ណោះក្នុងមួយឆ្នាំ គឺខែប្រាំងអំឡុងខែមីនា និងរដូវវស្សា អំឡុងខែកញ្ញា ជារៀងរាល់ឆ្នាំ។ នៅថ្ងៃទីមួយនៃសមរាត្រី ថ្ងៃទី២១ មានអ្នកទេសចរ និងពលរដ្ឋក្នុងខេត្តសរុបប្រមាណ ១៦ ០០០នាក់ ទៅទស្សនាព្រឹត្តិការណ៍សមរាត្រីនៅអង្គរ ក្នុងនោះមានទេសចរបរទេសប្រមាណ ៣ ៥០០នាក់។
ចំណែកថ្ងៃទី២វិញ មានទេសចរ និងពលរដ្ឋក្នុងខេត្តសរុបប្រមាណ ៣៤ ០០០នាក់ ក្នុងនោះទេសចរបរទេសមានប្រមាណ ៣ ៥០០នាក់ មកទស្សនាសមរាត្រី នៅអង្គរវត្ត។ ឯថ្ងៃទី៣នេះវិញ មានទេសចរប្រមាណ ២៣ ០០០នាក់ ក្នុងនោះភ្ញៀវបរទេសចំនួន ២ ១៣០នាក់៕
© រក្សាសិទ្ធិដោយ thmeythmey.com
Tag:
