.png)
.jpg)
.jpg)
ល្បែងប្រជាប្រិយ ការប្រគំតន្ត្រីខ្នាតធំ និងការបាញ់ទឹកកម្សាន្តសប្បាយ នឹងមានក្នុង«សង្ក្រាន្តស្វាយរៀង»
- ថ្ងៃអង្គារ ទី២៥ ខែមីនា ឆ្នាំ២០២៥ ម៉ោង ៨:៥៩ នាទី ព្រឹក
រូបភាពពីរដ្ឋបាលខេត្តស្វាយរៀង
រដ្ឋបាលខេត្តស្វាយរៀង នឹងរៀបចំព្រឹត្តិការណ៍«សង្ក្រាន្តស្វាយរៀង»រយៈពេល៣ថ្ងៃ នៅទីតាំងរង្វង់មូលវិមានឯករាជ្យ ក្រុងស្វាយរៀង។ ក្នុងព្រឹត្តិការណ៍នេះ នឹងកម្មវិធីកម្សាន្តសប្បាយជាច្រើនដូចជា កម្មវិធីលេងល្បែងប្រជាប្រិយ ការដាក់តាំងបង្ហាញផលិតផលនានា ការប្រគំតន្ត្រីខ្នាតធំ ការលេងបាញ់ទឹក និងការរាំលេងកម្សាន្តជាដើម។
ដើម្បីបង្កើតភាពអ៊ូអរ និងបង្កបរិយាកាសសប្បាយរីករាយជូនប្រជាពលរដ្ឋ រដ្ឋបាលខេត្តស្វាយរៀង បន្តរៀបចំព្រឹត្តិការណ៍«សង្ក្រាន្តស្វាយរៀង» ឆ្នាំ២០២៥ រយៈពេល៣ថ្ងៃ ចាប់ពីថ្ងៃទី១៤-១៦ ខែមេសា នៅ រង្វង់មូលវិមានឯករាជ្យ។ ដោយឡែកនៅតាមបណ្ដាស្រុកនានា ក្នុងខេត្តស្វាយរៀង ក៏មានរៀបចំកម្មវិធីសង្ក្រាន្តឆ្នាំថ្មីសម្រាប់ប្រជាពលរដ្ឋចូលរួមលេងកម្សាន្តផងដែរ ។
ចំពោះ«សង្ក្រាន្តស្វាយរៀង»វិញ នឹងចាប់ផ្ដើមពីម៉ោង១០ព្រឹកតទៅ ជារៀងរាល់ថ្ងៃ ចាប់ពីថ្ងៃទី១៤-១៥-១៦ ខែមេសា ដោយមានកម្មវិធីកម្សាន្តសប្បាយជាច្រើនដូចជា កម្មវិធីលេងល្បែងប្រជាប្រិយ ការដាក់តាំងបង្ហាញផលិតផលនានា កម្មវិធីប្រគំតន្ត្រីខ្នាតធំដោយមានការចូលរួមពីសិល្បករសិល្បការិនីល្បីៗនៅក្នុងប្រទេស និងការបាញ់ទឹក។
ជាមួយគ្នានេះ រដ្ឋបាលខេត្តស្វាយរៀង ក៏បានអំពាវនាវដល់ប្រជាពលរដ្ឋឱ្យចូលរួមកម្សាន្តសប្បាយក្នុងព្រឹត្តិការណ៍នេះផងដែរ៕
© រក្សាសិទ្ធិដោយ thmeythmey.com
Tag:
