.jpg)
.jpg)
មិនខុសពីឆ្នាំមុនឡើយ! រដ្ឋបាលខេត្តស្ទឹងត្រែង នឹងរៀបចំសង្រ្កាន្តរយៈពេល៣ថ្ងៃ
- ថ្ងៃអាទិត្យ ទី៣០ ខែមីនា ឆ្នាំ២០២៥ ម៉ោង ៨:១០ នាទី យប់
ភ្នំពេញ៖ សង្រ្កាន្តខេត្តស្ទឹងត្រែង នឹងរៀបចំឡើងរយៈពេល៣ថ្ងៃ ចាប់ពីថ្ងៃទី១៤ ដល់ទី១៦ ខែមេសា នៅទីរួមក្រុងស្ទឹងត្រែងមុខសាលាខេត្ត។ ព្រឹត្តិការណ៍នេះ រៀបចំក្នុងគោលបំណងថែរក្សាបានប្រពៃណី ទំនៀមទម្លាប់របស់ខ្មែរ ក៏ដូចជាដើម្បីស្វាគមន៍អបអរសាទរទេវតាឆ្នាំថ្មី។
ព្រឹត្តិការណ៍សង្រ្កាន្តឆ្នាំ២០២៥នេះ រដ្ឋបាលខេត្តស្ទឹងត្រែង ប្រកាសរៀបចំឡើងរយៈពេល៣ថ្ងៃ អមជាមួយក្បួនដង្ហែសង្រ្កាន្ត ពីរង្វង់មូលព្រះភិរុណ ដល់មុខសាលាខេត្តស្ទឹងត្រែងផងដែរ។ ជាមួយគ្នានេះ ក្នុងព្រឹត្តិការណ៍សង្រ្កាន្ត ក៏មានលេងល្បែងប្រជាប្រិយខ្មែរជាច្រើនប្រភេទ និងប្រគំតន្ត្រីសម័យ-បុរាណ។
រដ្ឋបាលខេត្តស្ទឹងត្រែង បានអំពាវនាវដល់ពលរដ្ឋ និងភ្ញៀវទេសចរជាតិ-អន្តរជាតិ មកចូលរួមកម្សាន្តសប្បាយរីករាយឱ្យបានច្រើនកុះករ ដើម្បីរួមចំណែកលើកកម្ពស់វប្បធម៌ ប្រពៃណីជាតិខ្មែរ ពិសេសសក្តានុពលនៃ ខេត្តតនៅភាគឦសាន្តមួយនេះ។ ក្រៅពីនោះ រដ្ឋបាលខេត្តស្ទឹងត្រែង ក៏កំពុងជំរុញអាជីវករក្នុងវិស័យទេសចរណ៍ ព្រមទាំងកសិ-ទេសចរណ៍ ឱ្យពង្រីកសក្តានុពលទេសចរណ៍ ត្រៀមទទួលភ្ញៀវទេសចរនាថ្ងៃចូលឆ្នាំខាងមុខ៕
ក្បួនដង្ហែសង្រ្កាន្តខេត្តស្ទឹងត្រែង
© រក្សាសិទ្ធិដោយ thmeythmey.com
Tag:
