.png)
.png)
.jpg)
.jpg)
«កោះកុងសង្ក្រាន្ត» ត្រៀមខ្លួនបម្រើភាពរីករាយ៣ថ្ងៃនាឱកាសអបអរបុណ្យចូលឆ្នាំថ្មី
- ថ្ងៃចន្ទ ទី៣១ ខែមីនា ឆ្នាំ២០២៥ ម៉ោង ៨:០០ នាទី ព្រឹក
រូបភាពពី៖ មន្ទីរទេសចរណ៍ខេត្តកោះកុង
ភ្នំពេញ៖ រដ្ឋបាលខេត្តកោះកុង នឹងរៀបចំព្រឹត្តិការណ៍ «កោះកុងសង្ក្រាន្ត» រយៈពេល ៣ថ្ងៃ ចាប់ពីថ្ងៃទី ១៤ ដល់ ១៦ ខែមេសា។ ព្រឹត្តិការណ៍«កោះកុងសង្ក្រាន្ត» នេះ នឹងផ្សព្វផ្សាយសក្ដានុពលទេសចរណ៍របស់ខេត្តកោះកុង និងបង្កើតបរិយាកាសសប្បាយរីករាយជាពិសេសក្នុងព្រឹត្តិការណ៍នេះ ក៏ផ្ដល់ប្រាក់ចំណូលដល់ប្រជាពលរដ្ឋ និងនាំចំណូលសេដ្ឋកិច្ចដល់ខេត្តកោះកុងផងដែរ។
ក្នុងពិធីបុណ្យចូលឆ្នាំថ្មី ប្រពៃណីខ្មែរខាងមុខនេះ រដ្ឋបាលខេត្តកោះកុង នឹងរៀបចំព្រឹត្តិការណ៍ «កោះកុងសង្ក្រាន្ត » នៅសួនច្បារមុខសាលាខេត្ត បរិវេណវត្តទេពនិមិត្ត។ ព្រឹត្តិការណ៍នេះ នឹងមានកម្មវិធីកម្សាន្តជាច្រើន ដើម្បីបង្កភាពសប្បាយរីករាយដល់ភ្ញៀវទេសចរ និងអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ។ ក្នុងព្រឹត្តិការណ៍នេះ មានកម្មវិធីជាច្រើន រួមមានកម្មវិធីតាមបែបសាសនា ការលេងល្បែងប្រជាប្រិយ ការតាំងពិព័រណ៍ផលិតផលរបស់ពលរដ្ឋតាមស្រុកនានា ជាពិសេសការប្រគំតន្ត្រីផងដែរ។
រដ្ឋបាលខេត្តកោះកុង លើកទឹកចិត្តដល់ពលរដ្ឋចូលរួមលេងល្បែងប្រជាប្រិយខ្មែរ ដើម្បីរួមគ្នាលើកតម្កើងវប្បធម៌ប្រពៃណីខ្មែរ ជាពិសេសបង្កើតអនុស្សាវរីយ៍ផងដែរ។ រដ្ឋបាលខេត្ត កំពុងរៀបចំតុបតែង សណ្តាប់ធ្នាប់ សុខសុវត្ថិភាព និងសន្តិសុខ ដើម្បីទាក់ចិត្តទេសចរ និងពលរដ្ឋឱ្យទៅកម្សាន្ត។ សូមជម្រាបថា ព្រឹត្តិការណ៍ រដ្ឋបាលខេត្ត បានត្រៀមកម្លាំងសមត្ថកិច្ច និងអាជ្ញាធរពាក់ព័ន្ធ ដើម្បីការពារសន្តិសុខផងដែរ៕
© រក្សាសិទ្ធិដោយ thmeythmey.com
Tag:
.gif)