.jpg)
.jpg)
តុលាការខេត្តរតនគិរី សម្រេចឃុំខ្លួនបុរសម្នាក់ ពាក់ព័ន្ធនឹងការប្រើហិង្សាទៅលើប្រពន្ធ
- ថ្ងៃសុក្រ ទី៤ ខែមេសា ឆ្នាំ២០២៥ ម៉ោង ៣:២៩ នាទី រសៀល
បុរសម្នាក់ ត្រូវបានចៅក្រមស៊ើបសួរនៃសាលាដំបូងខេត្តរតនគិរី បានសម្រេចឃុំខ្លួនជាបណ្តោះអាសន្ន ដើម្បីបន្តការស៊ើបសួរតាមនីតិវិធីច្បាប់ ពាក់ព័ន្ធនឹងការប្រើប្រាស់ហិង្សាលើប្រពន្ធ បណ្តាលឱ្យរងរបួសធ្ងន់។
អ្នកនាំពាក្យសាលាដំបូងខេត្តរតនគិរី បានបញ្ជាក់ក្នុងសេចក្តីប្រកាសព័ត៌មានចុះថ្ងៃទី២ ខែមេសា ថាបុរសរូបនេះត្រូវបានឃាត់ខ្លួន បន្ទាប់ពីបានវាយដំប្រពន្ធឱ្យរបួសធ្ងន់ កាលពីថ្ងៃទី៣១ ខែមីនា។
ជនត្រូវចោទរូបនេះ ត្រូវបានចោទប្រកាន់ពីបទ “ហិង្សាប្រព្រឹត្តដោយសហព័ទ្ធ ឬអនីតិ សង្វាសជន” ប្រព្រឹត្តនៅភូមិប៉ាអរ ឃុំកោះចុង ស្រុកបរកែវ ខេត្តរតនគិរី កាលពីថ្ងៃទី៣១ ខែមីនា ឆ្នាំ២០២៥ បទល្មើស ព្រហ្មទណ្ឌ ដែលមានចែងឱ្យផ្តន្ទាទោសតាមបញ្ញត្តិមាត្រា ២២២ នៃក្រមព្រហ្មទណ្ឌ៕
© រក្សាសិទ្ធិដោយ thmeythmey.com
Tag:
