.jpg)
.jpg)
អបអរសាទរ! កម្ពុជាទទួលបានកូនផ្សោត១ទៀត នៅខេត្តក្រចេះ
- ថ្ងៃសៅរ៍ ទី៥ ខែមេសា ឆ្នាំ២០២៥ ម៉ោង ៦:៣០ នាទី ល្ងាច
រូបភាព៖ AFP
ភ្នំពេញ៖ កូនផ្សោតដែលទើបកើត១ក្បាលទៀត ត្រូវបានក្រុមការងារស្រាវជ្រាវ នៃរដ្ឋបាលជលផល និងអង្គការ WWF ប្រទះឃើញ នៅអន្លង់កាំពី ឃុំសំបុក ស្រុកចិត្របុរី ខេត្តក្រចេះ នាថ្ងៃទី៤ ខែមេសា។ បើតាមអ្នកជំនាញ កូនផ្សោតនេះ ទើបតែកើតបានប្រមាណ៤ថ្ងៃប៉ុណ្ណោះ។
ក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ កូនផ្សោតមួយក្បាលនេះកើតពីមេផ្សោត ដែលមានលេខកូដ១៣៥ ។
គិតចាប់ពីថ្ងៃទី១ ខែមករា មកដល់ថ្ងៃទី ៥ ខែមេសា កម្ពុជាទទួលបានកូនផ្សោតកើតថ្មីចំនួន ៦ក្បាលហើយ។ ក្នុងនោះ មាន៤ក្បាល នៅខេត្តក្រចេះ និង២ក្បាលនៅខេត្តស្ទឹងត្រែង។ បើតាមក្រសួងកសិកម្ម បច្ចុប្បន្ន វត្តមានសត្វផ្សោតទន្លេមេគង្គកម្ពុជា មានចំនួន ១១០ក្បាល។
សត្វផ្សោតទន្លេមេគង្គ គឺជាសត្វផ្សោតមួយប្រភេទ ក្នុងចំណោមសត្វផ្សោតទឹកសាបតែ៦ប្រភេទគត់ នៅក្នុងពិភពលោក ហើយវាត្រូវបានចាត់ថ្នាក់ ក្នុងបញ្ជីក្រហមរបស់អង្គការ IUCN ជាប្រភេទសត្វជិតផុតពូជ។ សត្វផ្សោតប្រភេទនេះ មានរស់នៅតែក្នុងប្រព័ន្ធទន្លេទន្លេចំនួន៣ប៉ុណ្ណោះ ក្នុងពិភពលោក រួមមានទន្លេមេគង្គ (កម្ពុជា) ទន្លេអាយ៉េវ៉ាឌី (មីយ៉ាន់ម៉ា) និងទន្លេមហាកាម (ឥណ្ឌូណេស៊ី)។
បន្ថែមពីនេះ ផ្សោតទន្លេមេគង្គ ក៏ជារតនសម្បត្តិជាតិមានជីវិត ក្រសួងកសិកកម្ម អំពាវនាវប្រជាពលរដ្ឋចូលរួមថែរក្សា និងការពារធនធានជលផលដ៏មានតម្លៃ៕
© រក្សាសិទ្ធិដោយ thmeythmey.com
Tag:
