.png)
.png)
.jpg)
.jpg)
ព្រះមហាក្សត្រ និងសម្តេចម៉ែ យាងមកពីពិនិត្យព្រះរាជសុខភាពនៅប្រទេសចិនវិញហើយ
- ថ្ងៃចន្ទ ទី៧ ខែមេសា ឆ្នាំ២០២៥ ម៉ោង ៤:៥៥ នាទី រសៀល
ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា និងសម្តេចព្រះមហាក្សត្រី នរោត្តម មុនីនាថសីហនុ ព្រះវររាជមាតាជាតិខ្មែរ បានយាងនិវត្តន៍ដល់មាតុប្រទេសវិញហើយ នៅរសៀលថ្ងៃទី៧ ខែមេសា បន្ទាប់ព្រះអង្គទាំងទ្វេ បានគង់ប្រថាប់នៅប្រទេសចិនជាង១ខែ ដើម្បីពិនិត្យព្រះរាជសុខភាព។
សូមជម្រាបថា ព្រះករុណា និងសម្តេច ម៉ែ បានយាងទៅប្រទេសចិន កាលពីថ្ងៃទី ៣ ខែមីនា ដើម្បីពិនិត្យព្រះរាជសុខភាព តាមការណាត់របស់ក្រុមគ្រូពេទ្យនៅទីក្រុង ប៉េកាំង ប្រទេសចិន។
គួរជម្រាបដែរថា កម្ពុជា នឹងរៀបចំពិធីបួងសួងសុំសេចក្តីសុខ នៅប្រាសាទអង្គរវត្ត ខេត្តសៀមរាប នៅថ្ងៃទី១៣-១៤ ខែមេសាខាងមុខនេះ ក្រោមព្រះរាជាធិបតីភាព ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា។
នៅទឹកដីសៀមរាប ក៏ជាទីដែលកម្ពុជា រៀបចំព្រឹត្តិការណ៍អង្គរសង្ក្រាន្តផងដែរ ពីថ្ងៃទី១៤-១៦ ខែមេសា៕
© រក្សាសិទ្ធិដោយ thmeythmey.com
