.jpg)
.jpg)
ចិន ប្តេជ្ញាសហការជាមួយម៉ាឡេស៊ីប្រឆាំងការការពារនិយម និងឯកតោនិយម
- ថ្ងៃពុធ ទី១៦ ខែមេសា ឆ្នាំ២០២៥ ម៉ោង ១១:៣០ នាទី ព្រឹក
រូបភាព AFP
ប្រធានាធិបតីចិន លោក ស៊ី ជិនភីង នៅថ្ងៃទី១៥ ខែមេសា បានទៅដល់ម៉ាឡេស៊ីហើយ ដោយប្តេជ្ញាប្រឆាំងការការពារនិយម និងឯកតោនិយម។ ដំណើរទស្សនកិច្ចលោក ស៊ី នៅប្រទេសអាស៊ីអាគ្នេយ៍ ធ្វើឡើងស្របពេលកើតមានសង្រ្គាមពាណិជ្ជកម្មរវាងចិន និងអាម៉េរិក។
បន្ទាប់ពីវៀតណាម ម៉ាឡេស៊ី ជាប្រទេសទី២ ដែលបានក្រាលកម្រាលព្រំក្រហមទទួល មេដឹកនាំចិន លោក ស៊ី ជិនភីង។ ស្របពេលបង្ហាញវត្តមាននៅបណ្តាប្រទេសអាស៊ីអាគ្នេយ៍មួយនេះ លោក ស៊ី ប្តេជ្ញាធ្វើការជាមួយម៉ាឡេស៊ី ប្រឆាំងការពារឯកតោនិយម និងការការពារនិយម។
«ចិននឹងធ្វើការជាមួយម៉ាឡេស៊ី ដើម្បីប្រឆាំងនឹងសម្ពាធភូមិសាស្រ្តនយោបាយ និងការប្រឈមមុខដាក់គ្នា»។ លោក ស៊ី បានបញ្ជាក់បែបនេះ នៅក្នុងវិចារណកថា ចេញផ្សាយនៅថ្ងៃទី១៥ ខែមេសា។
ដោយទទួលផ្ទាល់ដោយលោក អាន់វ៉ា អ៊ីប្រាហ៊ីម នាយករដ្ឋមន្រ្តីម៉ាឡេស៊ី លោក ស៊ី បានស្វះស្វែងពង្រឹងមិត្តភាពបែបប្រពៃណី ក្រោយខួបទំនាក់ទំនង ៥០ឆ្នាំ។
ក្នុងដំណើរទស្សនកិច្ចនេះ លោកស៊ី និងលោក អាន់វ៉ា នឹងពិនិត្យលើការចុះហត្ថលេខាកិច្ចព្រមព្រៀងទ្វេភាគីជាច្រើន។
សូមបញ្ជាក់ថា ចិនជាដៃគូពាណិជ្ជកម្មដ៏ធំបំផុតមួយជាមួយម៉ាឡេស៊ី ក្នុងរយ:ពេល១៦ ឆ្នាំចុងក្រោយនេះ។
© រក្សាសិទ្ធិដោយ thmeythmey.com
Tag:
.gif)