.jpg)
.jpg)
សង្រ្កាន្តឧត្តរ ទទួលបានភ្ញៀវទេសចរជាង២១ម៉ឺននាក់ ក្នុងរយៈពេល២ថ្ងៃ
- ថ្ងៃពុធ ទី១៦ ខែមេសា ឆ្នាំ២០២៥ ម៉ោង ១២:០០ នាទី រសៀល
ភ្នំពេញ៖ រយៈពេល២ថ្ងៃ នៃកម្មវិធីសង្រ្កាន្តឧត្តរ ក្នុងខេត្តឧត្តរមានជ័យ មានភ្ញៀវទេសចរចូលរួមកម្សាន្តប្រមាណ២១ម៉ឺននាក់។ បើតាមលោក ម៉េត មាសភក្ដី នាយករងរដ្ឋបាលសាលាខេត្តឧត្តរមានជ័យ អ្នកចូលរួមសង្រ្កាន្តឧត្តរជាង២០ម៉ឺននាក់នេះ មានទាំងពលរដ្ឋក្នុងខេត្ត ភ្ញៀវជាតិពីបណ្ដារាជធានីខេត្តនានា និងបរទេសផងដែរ។
លោក ម៉េត មាសភក្ដី នាយករងរដ្ឋបាលខេត្តឧត្តរមានជ័យ បានបញ្ជាក់ថា ថ្ងៃទី១៤ ខែមេសា ដែលត្រូវជាថ្ងៃទី១នៃកម្មវិធីសង្រ្កាន្តឧត្តរ មានភ្ញៀវទេសចរចូលរួមកម្សាន្តប្រមាណ៧ម៉ឺននាក់។ ចំណែកឯ ថ្ងៃទី១៥ ខែមេសា ត្រូវជាថ្ងៃសង្រ្កាន្តទី២ មានភ្ញៀវទេសចរជាតិ និងបរទេសប្រមាណ១៤ម៉ឺននាក់។
សូមបញ្ជាក់ថា សង្រ្កាន្តឧត្តរ រៀបចំឡើងរយៈពេល៣ថ្ងៃ ចាប់ពីថ្ងៃទី១៤-១៦ ខែមេសា នៅបរិវេណសួនច្បារផ្លូវភ្លោះមាត់បឹងស្នោ ខាងមុខសាលាខេត្ត ដើម្បីអបអរពិធីបុណ្យចូលឆ្នាំ ប្រពៃណីជាតិខ្មែរ។ ក្នុងព្រឹត្តិការណ៍នេះ មានការរៀបចំកិច្ចបវេណីសាសនានានា ការលេងល្បែងប្រជាប្រិយខ្មែរ និងការប្រគំតន្ត្រីសម័យ-បុរាណ រួមទាំងកម្មវិធីកម្សាន្តផ្សេងៗផងដែរ៕
© រក្សាសិទ្ធិដោយ thmeythmey.com
Tag:
