.jpg)
.jpg)
នៅព្រែកពោធិ៍ ស្រុកស្រីសន្ធរ នៅសល់អគារវិហារពុទ្ធសាសនាមហាយានចំណាស់មួយ តែវាបែកបាក់ស្ទើរទាំងស្រុង
- ថ្ងៃពុធ ទី១៦ ខែមេសា ឆ្នាំ២០២៥ ម៉ោង ១០:០០ នាទី យប់
កំពង់ចាម៖ នៅប្រទេសកម្ពុជា ក្នុងចំណោមវិហារ និងប្រាសាទ ដែលគេលែងប្រើដើម្បីថ្វាយបង្គំ មានប្រាសាទដែលគេប្រើសម្រាប់ទេសចរណ៍។ ក៏មានវិហារដែលគេបានកែច្នៃដើម្បីរស់នៅ ឬដើម្បីលេងកីឡា។ ស្ថិតនៅខាងត្បូងទន្លេមេគង្គ គឺនៅភូមិព្រែកពោធិ៍ ឃុំព្រែកពោធិ៍ ស្រុកស្រីសន្ធរ ខេត្តកំពង់ចាម មានអគារបុរាណមួយ ដែលអ្នកភូមិមិនប្រើប្រាស់នោះទេ ហើយទំនងជាអ្នកភូមិក៏មិនសូវដឹងអំពីប្រវត្តិរបស់អគារដែលត្រូវបានបោះបង់ចោលនោះដែរ។ តាមពិតទៅ វាគឺជាវិហារសាសនាព្រះពុទ្ធ និកាយមហាយាន ដែលវាត្រូវបានបោះបង់ចោល តាំងពីសង្គ្រាមស៊ីវិល។ ល។ បន្ទាប់ពីរបបខ្មែរក្រហម ក៏គ្មាននរណាម្នាក់ថែរក្សាវិហារនេះទៀតទេ។ នេះជាមូលហេតុដែលបានធ្វើឱ្យអគារចំណាស់នេះខូចច្រើនណាស់ ហើយមានដើមពោធិ៍មួយដ៏ធំ (ficus benghalensis) បានដុះចេញពីក្នុងអគារនេះធ្លាយដល់ដំបូលផងដែរ។ អគារបែកបាក់នេះ ត្រូវបានស្ថាបនាអំពីដុំឥដ្ឋ ដែលវត្ថុធាតុដើមនេះ ធ្វើឱ្យអាចទាយបានថា មានអាយុកាលប្រហែល ១០០ឆ្នាំ។
សូមអញ្ជើញទស្សនាវីដេអូខាងក្រោមនេះ៖
និកាយមហាយាន ធ្លាប់ជានិកាយនៃសាសនាព្រះពុទ្ធនិយមជាងគេ នៅអាស៊ីអាគ្នេយ៍ ដូចជានៅប្រទេសខ្មែរ រហូតដល់ចុងសម័យអង្គរ។ នាសម័យបច្ចុប្បន្ន និកាយមហាយាន នៅតែជានិកាយនៃព្រះពុទ្ធសាសនា ដែលប្រជាជនភាគច្រើនកាន់នៅប្រទេសចិន និងនៅប្រទេសវៀតណាម។ នៅប្រទេសឡាវ នៅប្រទេសថៃ និងនៅប្រទេសមីយ៉ាន់មា និកាយថេរវាទ បានក្លាយទៅជានិកាយនៃព្រះពុទ្ធសាសនា ដែលនិយមជាងគេ៕
អត្ថបទទាក់ទង
© រក្សាសិទ្ធិដោយ thmeythmey.com
.gif)