.jpg)
.jpg)
ពីទឹកក្រូចមួយដបក៏នាំចូល បច្ចុប្បន្ន កម្ពុជាមានរោងចក្រដំឡើងរថយន្តចំនួន៩កន្លែង
- ថ្ងៃអង្គារ ទី២២ ខែមេសា ឆ្នាំ២០២៥ ម៉ោង ៩:៤៧ នាទី ព្រឹក
ភ្នំពេញ៖ កម្ពុជា បានប្តូរពីប្រទេសដែលសូម្បីតែទឹកក្រូចមួយដបក៏នាំចូល រហូតមានរោងចក្រដំឡើងរថយន្តរហូតដល់៩កន្លែង នៅក្នុងប្រទេស នាពេលបច្ចុប្បន្ននេះ ដើម្បីផ្គត់ផ្គង់ទីផ្សារក្នុងស្រុក។ សម្តេច ហ៊ុន ម៉ាណែត បញ្ជាក់ដូច្នេះ ក្នុងពិធីសម្ពោធដាក់ឱ្យដំណើរការខ្សែច្រវាក់ផលិតកម្មថ្មី និងរោងចក្រដំឡើងគ្រឿងបង្គុំរថយន្ត Ford របស់ក្រុមហ៊ុន អ អិម អេ (ខេមបូឌា) ម.ក” នៅខេត្តពោធិ៍សាត់ នៅព្រឹកថ្ងៃទី២២ ខែមេសានេះ។
ក្រៅពីបង្ហាញមោទកភាពចំពោះការអភិវឌ្ឍរបស់កម្ពុជា សម្តេចនាយករដ្ឋមន្ត្រី ក៏មានជំនឿមុតមាំថា នៅក្នុងពេលខាងមុខ កម្ពុជា នឹងមានលទ្ធភាពនាំចេញរថយន្ត ទៅក្រៅប្រទេសបន្ថែមទៀត។ សម្តេច ហ៊ុន ម៉ាណែត បញ្ជាក់ដូច្នេះ៖ «សំខាន់ មានតែម Made In Cambodia មិនត្រឹមមានតែខោអាវទេ គឺមានទាំងឡាន ដាក់ VIN Number Cambodia ទៀត។ នេះជាមោទកភាពរបស់កម្ពុជា។ ដើមជំហានគីង្គក់ តែយើងយើងលោតទៅមុខ។ តក់ៗពេញបំពង់ កុំអាល់មើលងាយអ្នកតក់ៗពេញបំពង់ហ្នឹង។»។
ក្នុងចំណោមរោងកច្រដំឡើងរថយន្តទាំង៩ នៅកម្ពុជា មានរោងចក្រចំនួន ៦មានទីតាំងស្ថិតក្នុងតំបន់សេដ្ឋកិច្ចពិសេស។ សម្តេច ហ៊ុន ម៉ាណែត ឱ្យដឹងដូច្នេះ។
សម្រាប់សម្តេចនាយករដ្ឋមន្ត្រី ការរីកចម្រើនទាំងអស់នេះ គឺជាតឹកតាងបន្ថែម ដែលទាមទារឱ្យកម្ពុជា ត្រូវតែបន្តនូវការថែរក្សាសន្តិភាព សន្តិសុខ ព្រមទាំងការធានានូវគោលនយោបាយ លើកទឹកចិត្តដល់វិនិយោគិនដែលកំពុងបណ្តាក់ទុនរកស៊ីនៅកម្ពុជា៕
© រក្សាសិទ្ធិដោយ thmeythmey.com
Tag:
