.jpg)
.jpg)
កម្ពុជាស្វាគមន៍ គំនិតផ្តួចផ្តើមទេសចរណ៍ «ប្រទេស៦ គោលដៅតែ១»
- ថ្ងៃពុធ ទី២៣ ខែមេសា ឆ្នាំ២០២៥ ម៉ោង ៦:៥៩ នាទី ល្ងាច
រូបភាព STPM
កម្ពុជា ស្វាគមន៍ចំពោះគំនិតផ្តួចផ្តើមទេសចរណ៍ «ប្រទេស៦ គោលដៅតែ១»។ សម្តេច ហ៊ុន ម៉ាណែត នាយករដ្ឋមន្រ្តីកម្ពុជា បានបញ្ជាក់បែបនេះ នៅក្នុងសន្និសីទសារព័ត៌មានរួមជាមួយសមភាគីថៃ លោកស្រី ផែថងថាន ស៊ីណាវ៉ាត់ នៅថ្ងៃទី២៣ ខែមេសា។
គម្រោង «ប្រទេស៦ ទិសដៅ១» ជាផែនការបង្កើតទិដ្ឋការទេសចរណ៍រួម ក្នុងគោលដៅផ្ដល់ភាពងាយស្រួលដល់ភ្ញៀវទេសចរ ដោយពួកគេអាចប្រើទិដ្ឋាការរួមមួយដើម្បីប្រើប្រាស់បានក្នុងប្រទេសចំនួន៦។ ប្រទេសទាំង៦ មានដូចជាថៃ វៀតណាម កម្ពុជា ម៉ាឡេស៊ី មីយ៉ាន់ម៉ា និងឡាវ។
ពាក់ព័ន្ធនឹងគំនិតផ្តួចផ្តើមនេះ ប្រមុខរដ្ឋាភិបាលកម្ពុជា បានបង្ហាញក្តីរីករាយក្នុងការបង្កើតក្រុមការងាររួមគ្នា ដើម្បីបង្កើតកិច្ចសហប្រតិបត្តិការជាក់ស្តែងលើគំនិតផ្តួចផ្តើមទេសចរណ៍ «ប្រទេស៦ គោលដៅតែ១»។
«កម្ពុជា ស្វាគមន៍ចំពោះគំនិតផ្តួចផ្តើមទេសចរណ៍ ប្រទេស៦ គោលដៅតែ១»។ សម្តេច ហ៊ុន ម៉ាណែត នាយករដ្ឋមន្រ្តីកម្ពុជា បានប្រាប់សមភាគីថៃ លោកស្រី ផែថងថាន ស៊ីណាវ៉ាត់ បែបនេះ នៅថ្ងៃទី២៣ ខែមេសា។
គោលដៅនៃ«ប្រទេស៦ ទិសដៅ១» គឺដើម្បីទាក់ទាញភ្ញៀវទេសចរអន្តរជាតិបន្ថែមទៅកាន់តំបន់អាស៊ីអាគ្នេយ៍ ហើយងាយស្រួលសម្រាប់ភ្ញៀវទេសចរ ក្នុងការធ្វើដំណើរកម្សាន្ត៕
© រក្សាសិទ្ធិដោយ thmeythmey.com
Tag:
