.jpg)
.jpg)
ចាប់ពីពេលនេះទៅ ព្រះសង្ឃ ជនជាប់ឃុំ ជនវិបល្លាសស្មារតី អាចធ្វើអត្តសញ្ញាណបណ្ណបាន
- ថ្ងៃព្រហស្បតិ៍ ទី២៤ ខែមេសា ឆ្នាំ២០២៥ ម៉ោង ២:៤០ នាទី រសៀល
ព្រះសង្ឃ បព្វជិតសាសនា ជនជាប់ឃុំ ឬជនវិបល្លាសស្មារតី អាចធ្វើអត្តសញ្ញាណបានហើយ ចាប់ពីពេលទៅ។ នេះបើយោងតាមសេចក្តីជូនដំណឹងរបស់អគ្គនាយកដ្ឋានអត្តសញ្ញាណកម្មនៃក្រសួងមហាផ្ទៃ ចុះថ្ងៃទី២៣ ខែមេសា។
សេចក្តីជូនដំណឹងនេះ បញ្ជាក់ដូច្នេះថា៖« អត្តសញ្ញាណបណ្ណសញ្ជាតិខ្មែរមានទម្រង់ជាសន្លឹកប្លាស្ទិក និង/ឬជាទម្រង់អេឡិចត្រូនិក ដែលអាចធ្វើអន្តរកម្មជាមួយប្រព័ន្ធផ្សេងទៀត សម្រាប់សេវាកម្មឌីជីថល អត្តសញ្ញាណបណ្ណសញ្ជាតិខ្មែរ ត្រូវផ្តល់ជូនបុគ្គលមានសញ្ជាតិ ខ្មែរគ្រប់រូប ដែលមានអាយុចាប់ពី ១៥ឆ្នាំឡើង (រួមទាំងព្រះសង្ឃ បព្វជិតសាសនា ជនជាប់ឃុំ ឬជនវិបល្លាសស្មារតី។ល។)។»។
អត្តសញ្ញាណបណ្ណសញ្ជាតិខ្មែរ មាន
សុពលភាព អត្តសញ្ញាណបណ្ណ មានរយៈពេល ១០ឆ្នាំ គិតចាប់ពីកាលបរិច្ឆេទផ្តល់ ចំពោះបុគ្គលដែលមានអាយុចាប់ពី ១៥ឆ្នាំ ដល់ក្រោម ៦០ឆ្នាំ និងមានសុពលភាព«អចិន្ត្រៃយ៍» ចំពោះបុគ្គល អាយុចាប់ពី ៦០ឆ្នាំឡើង។
អគ្គនាយកដ្ឋានអត្តសញ្ញាណកម្ម
ពលរដ្ឋខ្មែរអាចប្រើប្រាស់អត្តសញ្ញាណបណ្ណ ក្នុងគោលបំណងផ្សេងៗ ដូចជាការចុះឈ្មោះចូលរៀន ការបំពេញបែបបទចូលបម្រើការងារ ការចុះបញ្ជីអចលនវត្ថុ ការចុះបញ្ជីយានយន្ត ការបើកគណនីធនាគារ ការចុះបញ្ជីពាណិជ្ជកម្ម ការចុះកិច្ចសន្យា ឬការប្រើប្រាស់សេវារដ្ឋបាលផ្សេងទៀត លើកលែងតែមានប្បញ្ញត្តិដោយឡែក។ នេះបើតាមអគ្គនាយករដ្ឋានអត្តសញ្ញាណកម្ម ដែលបានបន្តអំពាវនាវឱ្យ
ពលរដ្ឋដែលកាន់អត្តសញ្ញាណបណ្ណអស់សុពលភាព ឬនៅមានសុពលភាពតិចជាង ១៨០ថ្ងៃ រួសរាន់ដាក់ពាក្យស្នើសុំផ្តល់អត្តសញ្ញាណបណ្ណសញ្ជាតិខ្មែរថ្មី (ទុតិយតា) នៅតាមប៉ុស្តិ៍នគរបាលឃុំ សង្កាត់ ឬនៅទីតាំងផ្សេងទៀតដែលកំណត់ដោយក្រសួងមហាផ្ទៃ៕
© រក្សាសិទ្ធិដោយ thmeythmey.com
