.jpg)
.jpg)
រដ្ឋាភិបាលជប៉ុន នឹងផ្ដល់គ្រឿងឥស្សរិយយសសម្រាប់សរទររដូវឆ្នាំ២០២៥ដល់លោក ជា សុផារ៉ា
- ថ្ងៃអង្គារ ទី២៩ ខែមេសា ឆ្នាំ២០២៥ ម៉ោង ៤:៥៩ នាទី រសៀល
លោក ជា សុផារ៉ា ឧត្តមប្រឹក្សាផ្ទាល់ព្រះមហាក្សត្រ។ រូបភាពពីហ្វេសប៊ុកលោក ជា សុផារ៉ា។
ភ្នំពេញ៖ លោក ជា សុផារ៉ា ឧត្តមប្រឹក្សាផ្ទាល់ព្រះមហាក្សត្រ និងជាអតីតឧបនាយករដ្ឋមន្ត្រី និងរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នឹងទទួលបានគ្រឿងឥស្សរិយយស The Grand Cordon of the Order of the Rising Sun ពីរដ្ឋាភិបាលជប៉ុន។ នេះបើតាមសេចក្ដីប្រកាសព័ត៌មានរបស់ស្ថានទូតជប៉ុនប្រចាំកម្ពុជា។
នៅថ្ងៃទី២៩ ខែមេសានេះ គណៈរដ្ឋមន្រ្តីនៃរដ្ឋាភិបាលជប៉ុន បានប្រកាសឈ្មោះអ្នកត្រូវទទួលគ្រឿងឥស្សរិយយសសម្រាប់សរទររដូវឆ្នាំ២០២៥ ដែលផ្តល់ជូនដល់បុគ្គលឆ្នើមចំនួន ១០៧រូប ដើម្បីទទួលស្គាល់នូវការចូលរួមចំណែក ក្នុងកិច្ចការសាធារណៈ ឬជាតិ។ ក្នុងចំណោមបុគ្គលឆ្នើមទាំង១០៧រូប ក៏មានជនជាតិខ្មែរមួយរូប គឺលោក ជា សុផារ៉ា។
លោក ជា សុផារ៉ា ក្លាយជាបុគ្គលម្នាក់ក្នុងចំណោមបុគ្គលឆ្នើម១០៧រូប ជាជនបរទេស ដែលត្រូវទទួលគ្រឿងឥស្សរិយយសសម្រាប់សរទររដូវឆ្នាំ២០២៥ The Grand Cordon of the Order of the Rising Sun ពីរដ្ឋាភិបាលជប៉ុន។
បើតាមសេចក្តីប្រកាសព័ត៌មានរបស់ស្ថានទូតជប៉ុន អតីតឧបនាយករដ្ឋមន្ត្រី និងរដ្ឋមន្ត្រីក្រសួងរៀបចំដែនដីរូបនេះ ត្រូវបានទទួលស្គាល់ចំពោះស្នាដៃ ចូលរួមចំណែកក្នុងការពង្រឹងទំនាក់ទំនង និងមិត្តភាពរវាងជប៉ុន និងកម្ពុជា។ បច្ចុប្បន្ន លោក ជា សុផារ៉ា ជាឧត្តមប្រឹក្សាផ្ទាល់ព្រះមហាក្សត្រ ដែលមានឋានៈស្មើឧបនាយករដ្ឋមន្ត្រី៕
© រក្សាសិទ្ធិដោយ thmeythmey.com
Tag:
