.png)
.png)
.jpg)
.jpg)
ប្រមុខស្ថាប័នហិរញ្ញវត្ថុអាស៊ានបូក៣ ព្រមានពីការការពារនិយមរបស់អាម៉េរិក
- ថ្ងៃចន្ទ ទី៥ ខែឧសភា ឆ្នាំ២០២៥ ម៉ោង ១២:០០ នាទី រសៀល
រូបភាព Kyodo
ប្រមុខស្ថាប័នហិរញ្ញវត្ថុអាស៊ាន ចិន កូរ៉េខាងត្បូង និងជប៉ុន នៅថ្ងៃទី៤ ខែឧសភា បានព្រមានពីការថមថយសេដ្ឋកិច្ចសកល ដែលកើតចេញគោលនយោបាយពាណិជ្ជកម្មការពារនិយម។ ការលើកឡើងរបស់ប្រទេសអាស៊ានបូក៣ ធ្វើឡើងក្រោយអាម៉េរិក បានដាក់ពន្ធជាបន្តបន្ទាប់លើប្រទេសជាច្រើន។
តាមសេចក្តីថ្លែងការណ៍មួយដែលត្រូវបានអនុម័តនៅក្នុងកិច្ចប្រជុំរអាស៊ានបូក៣ ក្នុងថ្ងៃទី៤ ខែឧសភា រដ្ឋមន្រ្តីហិរញ្ញវត្ថុ និងប្រធានធនាគារកណ្តាល បានព្រមានពីការការពារនិយមរបស់បណ្តាប្រទេសមួយចំនួន ដែលអាចទំនងប៉ះពាល់ដល់សេដ្ឋកិច្ចសកល។ ទោះមិនបានបញ្ជាក់ពីប្រទេសណាមួយ តែអាស៊ានបូក៣ ទំនងសំដៅដល់អាម៉េរិក។
«ការរីកសាយនៃការការពារនិយម លើពាណិជ្ជកម្មសកល អាចនាំឱ្យមានភាពបាក់បែកសេដ្ឋកិច្ច, ប៉ះពាល់ពាណិជ្ជកម្ម, ការវិនិយោគ និងលំហូរសាច់ប្រាក់នៅក្នុងតំបន់»។ ប្រមុខស្ថាប័នហិរញ្ញវត្ថុអាស៊ាន ចិន កូរ៉េខាងត្បូង និងជប៉ុន បានបញ្ជាក់បែបនេះ ដោយបន្តប្តេជ្ញាចំពោះប្រព័ន្ធពាណិជ្ជកម្មពហុភាគីប្រកបដោយតម្លាភាព ភាពត្រឹមត្រូវ និងសេរី។
កម្ពុជា បានរងពន្ធគយបដិការចំនួន ៤៩ភាគរយ ហើយវៀតណាមចំនួន ៤៦ភាគរយ។ យ៉ាងណាមិញ ពន្ធនេះ ត្រូវបានផ្អាករយៈពេល ៩០ថ្ងៃ ហើយបន្ថយមកត្រឹម១០ភាគរយ ដើម្បីចរចា។ ចំណែកជប៉ុន ក៏រងពន្ធគយចំនួន ២៤ភាគរយផងដែរ។
តាមរយៈកិច្ចប្រជុំនៅទីក្រុង Milan ប្រទេសអ៊ីតាលី រដ្ឋមន្រ្តីហិរញ្ញវត្ថុជប៉ុន លោក Katsunobu Kato បានជំរុញឱ្យមានកិច្ចសហប្រតិបត្តិការ ក្នុងការសម្រេចបានស្ថិរភាពសេដ្ឋកិច្ច ហើយពង្រឹងការរួបរួមគ្នានៅថ្នាក់តំបន់៕
© រក្សាសិទ្ធិដោយ thmeythmey.com
Tag:
