.jpg)
.jpg)
សហព័ន្ធកីឡាយុទ្ធគុនចម្រុះកម្ពុជា រៀបចំសិក្ខាសាលាបច្ចេកទេសយុទ្ធគុនចម្រុះខ្មែរបុរាណលើកទី២ នៅចុងខែនេះ
- ថ្ងៃសុក្រ ទី៩ ខែឧសភា ឆ្នាំ២០២៥ ម៉ោង ៨:៥៩ នាទី ព្រឹក
សហព័ន្ធកីឡាយុទ្ធគុនចម្រុះកម្ពុជា ជូនដំណឹងពីវគ្គសិក្ខាសាលាបច្ចេកទេសយុទ្ធគុនបុរាណខ្មែរ លើកទី២
សហព័ន្ធកីឡាយុទ្ធគុនចម្រុះកម្ពុជា នឹងរៀបចំសិក្ខាសាលាបច្ចេកទេសស្ដីពីយុទ្ធគុនបុរាណខ្មែរ លើកទី២ ពីថ្ងៃទី៣០-៣១ ខែឧសភាខាងមុខ នៅសាលាគុណធម៌។ យោងតាមលិខិតជូនដំណឹងចុះថ្ងៃទី៥ ខែឧសភា បញ្ជាក់ថា ក្លិប អង្គភាព ឬសមាគមនីមួយៗ អាចចុះឈ្មោះគ្រូបង្វឹក បានតែម្នាក់ប៉ុណ្ណោះហើយជាគ្រូបង្វឹកដែលមានវត្តមានបង្វឹករាល់ថ្ងៃនៅក្នុងស្ថាប័ម។ ការចុះឈ្មោះ នឹងបិទបញ្ចប់ នៅថ្ងៃទី២០ ឧសភា ឆ្នាំ២០២៥។
ការរៀបចំសិក្ខាសាលានេះ គឺជាផ្នែកមួយនៃការត្រៀមខ្លួន របស់មន្ត្រីបច្ចេកទេស ក៏ដូចជាគណៈកម្មការកាត់សេចក្តី ក្នុងការចូលរួមក្នុងព្រឹត្តិការណ៍ប្រកួតយុទ្ធគុនចម្រុះខ្មែរបុរាណ ពានរង្វាន់សម្ដេច ហ៊ុន ម៉ាណែត លើកទី២ ដែលនឹងប្រព្រឹត្តទៅនៅថ្ងៃទី២៧-៣០ ខែវិច្ឆិកា ឆ្នាំ២០២៥ នៅពហុកីឡដ្ឋានជាតិមរតកតេជោ៕
អត្ថបទទាក់ទង
© រក្សាសិទ្ធិដោយ thmeythmey.com
Tag:
