.png)
.png)
.jpg)
.jpg)
ឃាត់ខ្លួនជនសង្ស័យ២នាក់ ពាក់ព័ន្ធករណីគាស់ផ្ទះលួចទ្រព្យសម្បត្តិជាង ១២ម៉ឺនដុល្លារ
- ថ្ងៃពុធ ទី១៤ ខែឧសភា ឆ្នាំ២០២៥ ម៉ោង ៨:៣៥ នាទី យប់
ភ្នំពេញ៖ ស្នងការនគរបាលរាជធានីភ្នំពេញ បានឃាត់ខ្លួនជនសង្ស័យ២រូប កាលពីថ្ងៃទី១២ ឧសភា ពាក់ព័ន្ធករណីគាស់ផ្ទះលួចទ្រព្យសម្បត្តិពលរដ្ឋ ជាង១២ម៉ឺនដុល្លារ នៅម្តុំខណ្ឌសែនសុខ រាជធានីភ្នំពេញ។ បទល្មើសនេះ បានកើតឡើងកាលពីថ្ងៃទី២ ខែឧសភា ឆ្នាំ២០២៥ ។
ជនសង្ស័យ ២រូបនេះ បានលួចគាស់ផ្ទះពលរដ្ឋ លួចប្រាក់ចំនួន ៤ ៥០០០ដុល្លារ , និងគ្រឿងអលង្ការ សរុប៨ម៉ឺនដុល្លារ រួមទាំងបំផ្លាញទូដែកចំនួន៦។
សម្ភារបន្សល់ទុក អំឡុងពេលធ្វើសកម្មភាព ដែលសមត្ថកិច្ចរកឃើញ រួមមាន រូបថត ស្នាមគាស់ទូដែក និងសម្ភាររាយប៉ាយនៅក្នុងបន្ទប់ ,ទូរស័ព្ទដៃ ៥គ្រឿង , អាវុធខ្លី ចំនួន៣ដើម ,កុំព្យូទ័រ២គ្រឿង , ខ្សែកស្វារេមានត្បូង ១ខ្សែ និងសម្ភារផ្សេងទៀត។ បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនជនសង្ស័យទៅតុលាការ៕
© រក្សាសិទ្ធិដោយ thmeythmey.com
