.png)
.png)
.jpg)
.jpg)
ការប្រឡងមន្ត្រី បម្រើការងារនៅអគ្គលេខាធិការដ្ឋានក្រុមប្រឹក្សាអ្នកច្បាប់ នឹងរៀបចំនៅថ្ងៃទី១៨ ឧសភា
- ថ្ងៃសុក្រ ទី១៦ ខែឧសភា ឆ្នាំ២០២៥ ម៉ោង ១០:៥០ នាទី ព្រឹក
ភ្នំពេញ៖ ក្រសួងមុខងារសាធារណៈ នឹងរៀបចំការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារនៅអគ្គលេខាធិការដ្ឋានក្រុមប្រឹក្សាអ្នកច្បាប់ ក្នុងក្របខណ្ឌទីស្តីការគណៈរដ្ឋមន្ត្រី នៅថ្ងៃទី១៨ ឧសភា នៅសាលាភូមិន្ទរដ្ឋបាល។ ការប្រឡងនេះ រៀបចំឡើយក្រោយក្រសួងបើកទទួលពាក្យបំពេញព័ត៌មានសុំសិទ្ធិប្រឡងប្រជែងរយៈពេល ១ខែរួចមក។
បេក្ខជនចំនួន ៥០៧នាក់ ក្នុងនោះស្រ្តីចំនួន ១៧២នាក់ នឹងត្រូវចូលរួមប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារនៅអគ្គលេខាធិការដ្ឋានក្រុមប្រឹក្សាអ្នកច្បាប់ ក្នុងក្របខណ្ឌទីស្តីការគណៈរដ្ឋមន្ត្រី។ ការប្រឡងនេះ មាន២ដំណាក់កាល នឹងជ្រើសរើសមន្រ្តីចំនួន ១៥នាក់ប៉ុណ្ណោះ។
បើតាមក្រសួងមុខងារសាធារណៈ ការប្រឡងនេះ ចាប់ផ្ដើមពីម៉ោង១រសៀល មក៤រសៀល លើវិញ្ញាសាពហុចម្លើយភាសាបរទេស (អង់គ្លេស ឬបារាំង) និងចំណេះដឹងទូទៅពាក់ព័ន្ធនឹងមុខងារសាធារណៈ ក្រមសីលធម៌វិជ្ជាជីវៈ គោលនយោបាយរបស់រាជរដ្ឋាភិបាល រដ្ឋបាលសាធារណៈ វប្បធម៌ទូទៅ ពលរដ្ឋវិទ្យា ប្រវត្តិសាស្ត្រ ភូមិសាស្ត្រកម្ពុជា អាស៊ាន និងសេដ្ឋកិច្ចកម្ពុជា រួមទាំងចំណេះដឹងពាក់ព័ន្ធនឹង ជំនាញឯកទេសផងដែរ។
ការប្រឡងប្រជែងជ្រើសរើសមន្រ្តីក្នុងសម័យកំណែទម្រង់ការជ្រើសរើសមន្រ្តីនេះ ក្រសួងមុខងារសាធារណៈ បន្តអនុវត្តដោយឈរលើគោលការណ៍គុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព។ ជាមួយគ្នានេះ ក្រសួងមុខងារសាធារណៈ មិនអនុញ្ញាតឱ្យបេក្ខជនយកឯកសារផ្សេងៗ ឧបករណ៍អេឡិចត្រូនិកគ្រប់ប្រភេទ ចូលក្នុងមណ្ឌលប្រឡងឡើយ៕
© រក្សាសិទ្ធិដោយ thmeythmey.com
Tag:
.gif)