.png)
.png)
.jpg)
.jpg)
«ស្ពានដែកបេឡេអូរតាឆុង» នៅស្រុកប្រាសាទសំបូរ ជួយសម្រួលការដឹកជញ្ជូនកសិផលពលរដ្ឋ
- ថ្ងៃអាទិត្យ ទី១៨ ខែឧសភា ឆ្នាំ២០២៥ ម៉ោង ៩:២៩ នាទី យប់
ភ្នំពេញ៖ «ស្ពានដែកបេឡេអូរតាឆុង» ត្រូវបានសាងសង់រួចរាល់១០០ភាគរយហើយ ដោយគេរំពឹងថាអាចជួយសម្រួលដល់ការធ្វើដំណើរ និងដឹកជញ្ជូនកសិផលរបស់ពលរដ្ឋប្រមាណ ៤៧៧គ្រួសារ ស្ថិតក្នុងស្រុកប្រាសាទសំបូរ ខេត្តកំពង់ធំ។
ស្ពានដែកបេឡេអូរតាឆុង មានប្រវែង៣៦ម៉ែត្រ ទទឹង៤,២ម៉ែត្រ និងការស្ថាបនាផ្លូវល្បាយក្រួសតភ្ជាប់ក្បាលស្ពាន ទាំងសងខាងស្ពានប្រវែង៥០០ ម៉ែត្រ។ ស្ពាននេះ ត្រូវបាន សម្ដេចនាយករដ្ឋមន្រ្តី ហ៊ុន ម៉ាណែត ផ្ដល់ឱ្យកាលពីថ្ងៃទី ៣១ ខែមករា កន្លងទៅ ដើម្បីឆ្លើយតបនឹងសំណើរ ក៏ដូចជាតម្រូវការរបស់ប្រជាសហគមន៍ទំនើបប្រាសាទសំបូររុងរឿង។
សូមជម្រាបថា ស្ពានដែកនេះ បានតភ្ជាប់ឃុំចំនួនពីរគឺឃុំតាំងក្រសៅ និងឃុំស្រើង ស្រុកប្រាសាទសំបូរ ខេត្តកំពង់ធំ។ អ្នកទទួលផលដោយផ្ទាល់មានចំនួន១ ៩០៨ នាក់ ស្មើនឹង៤៧៧គ្រួសារ ស្ថិតក្នុងភូមិទឹកអណ្ដូង, ជាំបឹង, បេង, ត្នោតជួរ, បឹងខ្វែក និងអន្លង់ស្លែង។ ដោយឡែក អ្នកទទួលផលដោយប្រយោល មានប្រមាណ១ ២៩៥នាក់ ស្មើនឹង ៣៦៥គ្រួសារ ក្នុងបណ្តាភូមិក្នុង ឃុំគោល ស្រុកប្រាសាទសំបូរ និងឃុំទំរីង ស្រុកសណ្ដាន់ ដែលជាមធ្យមមានពលរដ្ឋធ្វើដំណើរឆ្លងកាត់ពី១០០នាក់ ទៅ២០០នាក់ ក្នុង១ថ្ងៃ៕
© រក្សាសិទ្ធិដោយ thmeythmey.com
Tag:
.gif)