.png)
.png)
.jpg)
.jpg)
Asean U23 Championship៖ FFC កោះហៅកីឡាករ ៣៩នាក់ តេស្ដសមត្ថភាពដំណាក់កាលទី១
- ថ្ងៃអាទិត្យ ទី១៨ ខែឧសភា ឆ្នាំ២០២៥ ម៉ោង ៥:៥៩ នាទី ល្ងាច
បញ្ជីឈ្មោះកីឡាករ អាយុក្រោម ២៣ឆ្នាំ តេស្ដដំណាក់កាលទី១ រូបពីសហព័ន្ធកីឡាបាល់ទាត់កម្ពុជា
សហព័ន្ធកីឡាបាល់ទាត់កម្ពុជា (FFC) បានបង្ហាញបញ្ជីឈ្មោះកីឡាករ ៣៩នាក់ ដែលត្រូវបានកោះហៅឲ្យធ្វើតេស្ដសមត្ថភាព ដំណាក់កាលទី១ កាលពីថ្ងៃទី១៧ ឧសភា ឆ្នាំ២០២៥។ ការតេស្ដសមត្ថភាពកីឡាករនេះ ធ្វើឡើងដើម្បីចម្រាញ់យកកីឡាករ ចូលក្រុមជម្រើសជាតិ ប្រកួតក្នុងព្រឹត្តិការណ៍ Asean U23 Championship 2025 នៅទីក្រុងហ្សាកាតា ប្រទេសឥណ្ឌូណេស៊ី។ ការតេស្ដដំណាក់កាលទី១នេះ នឹងត្រូវធ្វើចាប់ពីថ្ងៃទី៦-១០ មិថុនា ឆ្នាំ២០២៥។
ឥណ្ឌូណេស៊ី នឹងធ្វើជាម្ចាស់ផ្ទះរៀបចំការប្រកួតព្រឹត្តិការណ៍បាល់ទាត់ជើងឯកអាស៊ាន អាយុក្រោម ២៣ឆ្នាំ ដែលនឹងប្រព្រឹតទៅចាប់ពីថ្ងៃទី១៥-៣១ ខែកក្កដា នៅទីក្រុងហ្សាកាតា។
សហព័ន្ធកីឡាបាល់ទាត់កម្ពុជា បានកោះហៅកីឡាករ ៣៩នាក់ មកធ្វើតេស្ដដំណាក់កាលទី១ ដែលនឹងត្រូវធ្វើចាប់ពីថ្ងៃទី៦-១០ ខែមិថុនា ឆ្នាំ២០២៥។ កីឡាករ ៣៩រូបនោះ មាន៖
- កងយោធពលខេមរៈភូមិន្ទ មានចំនួន ៥នាក់៖ លឹម អារុណរ៉េយមិន, វ៉ន ផល្លា, យ៉ង់ ភូមិន្ទ, ខន ណារ៉ង និង ម៉ាត់ ឡានី។
- សមាគមកីឡាបាល់ទាត់ក្រសួងមហាផ្ទៃ មានចំនួន ៣នាក់៖ ឌី ផារ៉ាន់, ម៉ុន រ៉ាដូ និង ចាន់ វិបុលដាវីឌ
- គិរីវង់សុខសែនជ័យ មាន១ នាក់ គឺ ឃាន់ សុបិន
- ណាហ្គាវើលដ៍ មាន ៣នាក់៖ រ៉េត លីហេង, ផាត សុខា និង ហួត វ៉ាន់ណេត
- បឹងកេត មាន ១នាក់ គឺកីឡាករ អ៊ាវ សុវណ្ណរ៉ា
- ព្រះខ័នរាជស្វាយរៀង មាន ២នាក់៖ កីឡាករ វីរៈ ដារ៉ា និង ជូន ស៊ីនទី
- ភ្នំពេញក្រោន មាន ៧នាក់៖ អៀម រតនា, បុង សាំយូអ៊េល, កើត ពេជ្រ, យ៉ែម ដេវីត, ឈិន វឹននីន, សោម បូរិទ្ធ និង កើតមាស។
- វិសាខា មាន ៣នាក់៖ ឡេង ណូរ៉ា, ស៊ិន សុវណ្ណមករា និង គង់ លីហួរ
- ឡាយហ្វ ព្រះសីហនុ មាន ៤នាក់៖ វ៉ាន វីត, សន សុវត្ថិ, អ៊ិត ដេវីន និង រុន ចុងមីង
- អង្គរថាយហ្គឺរ ៤នាក់៖ អឹម វ៉ាឃីម, សុខ គ្រីសូហ្វាន, លី សូសៀ និង ទាំ មករា
- អាយ អេស អាយ ដង្កោសែនជ័យ ៥នាក់៖ ហាវ សុខនេត្រ, សំអុល ទីណា, ឡុង ដាវីត, លី កក្កដា, សួន មករា,
- សាលាបាល់ទាត់ជាតិបាទី ១នាក់ កីឡាករ ស៊ូ មេងហុង៕
© រក្សាសិទ្ធិដោយ thmeythmey.com
Tag:
.gif)