.png)
.png)
.jpg)
.jpg)
គ្រោះថ្នាក់ចរាចរណ៍ ឆក់យកជីវិតមនុស្ស ១១៦នាក់ នាខែឧសភា
- ថ្ងៃអាទិត្យ ទី១ ខែមិថុនា ឆ្នាំ២០២៥ ម៉ោង ៤:០០ នាទី រសៀល
ភ្នំពេញ៖ គិតចាប់ពីថ្ងៃទី១ ដល់ថ្ងៃទី៣១ ខែឧសភា ឆ្នាំ២០២៥ គ្រោះថ្នាក់ចរាចរណ៍ទូទាំងប្រទេស បានកើតឡើង ១៦៨លើក ដោយបានសម្លាប់ជីវិតមនុស្សចំនួន ១១៦នាក់ និងរងរបួសធ្ងន់ស្រាល ២៥៥នាក់។ នេះបើតាមរបាយការណ៍ប្រចាំថ្ងៃរបស់អគ្គស្នងការដ្ឋាននគរបាលជាតិ។
បើតាមអគ្គស្នងការដ្ឋាននគរបាលជាតិ គ្រោះថ្នាក់ចរាចរណ៍បានសម្លាប់មនុស្ស ១១៦នាក់ និងរងរបួសធ្ងន់ស្រាល ចំនួន ២៥៥នាក់ ក្នុងគ្រោះថ្នាក់ចំនួន ១៦៨លើក។ មូលហេតុដែលបង្កឱ្យមានគ្រោះថ្នាក់រួមមាន ករណីល្មើសល្បឿន មិនគោរពសិទ្ធិ មិនប្រកាន់ស្តាំ បត់គ្រោះថ្នាក់ និងកត្តាយានជាដើម។ សូមបញ្ជាក់ គ្រោះថ្នាក់ចរាចរណ៍ ជាឃាតករលាក់មុខ ដែលឆក់យកជីវិតប្រជាពលរដ្ឋដែលធ្វើដំណើរតាមឆ្លងផ្លូវ។
ជាមួយគ្នានេះ ក្នុងរយៈពេល៥ខែឆ្នាំ២០២៥ គ្រោះថ្នាក់ចរាចរណ៍ បានកើតឡើង ១០២៥លើក ដោយបានសម្លាប់ជីវិតមនុស្សចំនួន ៥៩០នាក់ និងរងរបួសធ្ងន់ស្រាល ១២៤១នាក់។ សូមជម្រាបថា ក្នុងឆ្នាំ២០២៤កន្លងទៅ គ្រោះថ្នាក់ចរាចរណ៍កើតឡើងនៅទូទាំងប្រទេសកម្ពុជា មានចំនួន ២ ៨៤៤លើក ថយចុះ៤៧៣លើក ស្មើនឹង ១៤ភាគរយ បើធៀបនឹងរយៈពេលដូចគ្នានៅឆ្នាំ២០២៣៕
© រក្សាសិទ្ធិដោយ thmeythmey.com
Tag:
