.png)
.png)
.jpg)
.jpg)
កម្ពុជា បន្តបង្រ្កាបបានត្រីក្លាសេ១៤តោន ដែលឈ្មួញនាំចូលខុសច្បាប់ពីប្រទេសថៃ
- ថ្ងៃព្រហស្បតិ៍ ទី១២ ខែមិថុនា ឆ្នាំ២០២៥ ម៉ោង ៤:០៩ នាទី រសៀល
រូបថត៖ ស្នងការដ្ឋាននគរបាលខេត្តបាត់ដំបង
ភ្នំពេញ៖ សមត្ថកិច្ចខេត្តបាត់ដំបង បន្តបង្រ្កាបបានត្រីក្លាសេ ១៤តោន ដែលនាំចូលខុស ច្បាប់ពីប្រទេសថៃ។ ត្រីទាំងនេះ ជាប្រភេទត្រីពោរ និងកាប។ ស្នងការដ្ឋាននគរបាលខេត្តបាត់ដំបង បញ្ជាក់ព័ត៌មានេះ នៅលើទំព័រហ្វេsប៊ុក នាថ្ងៃទី១២ ខែមិថុនា។
បើតាមស្នងការដ្ឋាននគរបាលខេត្តបាត់ដំបង ត្រីក្លាសេទាំងទាំង ១៤តោននេះស្ថិតក្នុងចំណោមត្រី សរុប ២៤តោន ដែលត្រូវបានដឹកតាមរថយន្តចំនួន៨គ្រឿងពីប្រទេសថៃចូលទឹកដីផ្លូវជាតិលេខ៥ ស្ថិតក្នុងចំណុចភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង។
បើតាមព័ត៌មានដែលឈ្មួញប្រាប់ទៅសមត្ថកិច្ច រថយន្ត ៨គ្រឿងនេះ មានលិខិតអនុញ្ញាតឱ្យដឹកត្រីពីរដ្ឋបាលជលផល តែចំនួន ១០តោនប៉ុណ្ណោះ ហើយត្រី ១៤តោនទៀតមិនមានការលិខិតអនុញ្ញាតនោះទេ។ បច្ចុប្បន្ន ទាំងរថយន្ត និងវត្ថុតាងទាំងអស់ ត្រូវបានមន្រ្តីជំនាញរដ្ឋបាលជលផលខេត្តបាត់ដំបង រក្សាទុក ដើម្បីអនុវត្តតាមនីតិវិធីច្បាប់។ នេះបើតាមហ្វេសប៊ុកស្នងការដ្ឋាននគរបាលខេត្តបាត់ដំបង៕
© រក្សាសិទ្ធិដោយ thmeythmey.com
Tag:
