.png)
.png)
.jpg)
.jpg)
ព្រះមហាក្សត្រ ៖ ទិវាគុណលោកឪពុក ជាសារសំខាន់នៃគុណតម្លៃ វប្បធម៌កតញ្ញូដ៏មហាសាល នៃបិតាគ្រប់រូប
- ថ្ងៃសៅរ៍ ទី១៤ ខែមិថុនា ឆ្នាំ២០២៥ ម៉ោង ៨:៥៩ នាទី យប់
ភ្នំពេញ៖ ព្រះករុណា ព្រះបាទសម្ដេចព្រះនរោត្តម សីហមុនី ព្រះមហាក្សត្រកម្ពុជា បានប្រទានព្រះរាជសារជូនប្រជានុរាស្រ្ត អបអរសាទរ «ទិវាគុណលោកឪពុក» ថ្ងៃទី១៦ ខែមិថុនា។
ក្នុងព្រះរាជសាររបស់ព្រះមហាក្សត្រ នៅថ្ងៃទី១៤ ខែមិថុនា ព្រះអង្គមានព្រះរាជបន្ទូលថា ទិវាគុណលោកឪពុក គឺជាសារដ៏មានសារសំខាន់ក្នុងការបង្កើនការយល់ដឹងអំពីគុណតម្លៃ វប្បធម៌កតញ្ញូដ៏មហាសាលនៃបិតាគ្រប់រូប ដែលមានសន្ដានចិត្តប្រកបដោយព្រហ្មវិហារធម៌ គឺមេត្តា ករុណា មុទិតា ឧបេក្ខា ជាធម៌សម្រាប់ប្រោះព្រំជានិច្ចនិរន្តរ៍ចំពោះបុត្រគ្រប់រូប។
ក្នុងព្រះរាជសាររបស់ព្រះករុណា ព្រះមហាក្សត្រ ទ្រង់ក៏មានព្រះរាជបន្ទូលរម្លឹកប្រជារាស្រ្តគ្រប់រូបឱ្យចេះគោរពដឹងគុណមហិមារបស់លោកឪពុក និងលើកកម្ពស់គុណតម្លៃជាបុរសប្រដោយសីលធម៌ និងគុណធម៌។ ជាមួយគ្នានេះ ព្រះមហាក្សត្រទ្រង់ក៏បានប្រសិទ្ធពរជូនដល់ប្រជានុរាស្រ្តគ្រប់រូបផងដែរ៕
© រក្សាសិទ្ធិដោយ thmeythmey.com
Tag:
