.png)
តុលាការថៃកាត់ទោសប្រហារជីវិតបុរសបីនាក់ពីបទសម្លាប់សកម្មជនបរិស្ថាន
- ថ្ងៃព្រហស្បតិ៍ ទី២៥ ខែធ្នូ ឆ្នាំ២០១៤ ម៉ោង ៤:២២ នាទី រសៀល
តុលាការខេត្ត Chachoengsaoរបស់ថៃបានកាត់ទោសប្រហារជិវិតបុរសបីនាក់ដែលសមគំនិតគ្នាពីបទឃាតកម្មសកម្មជនបរិស្ថានPrajob Naowa-opas។ឃាតកម្មនេះកើតឡើងក្រោយពីសកម្មជនបរិស្ថានបានប្រឆាំងទៅនិងគោលការណ៍អាជ្ញាធរដែលអនុញ្ញាតអោយចាក់សម្រាមជាតិពុលនៅក្នុងទីក្រុង Chachoengsao។
កាលពីថ្ងៃទី២៤ធ្នូកន្លងទៅនេះតុលាការដំបូងបានកាត់ទោសប្រហារជិវិតបុរសបីនាក់ដែលសមគំនិតគ្នាក្នុងបទឃាតកម្មសកម្មជនបរិស្ថាន។ឃាតកម្មនេះ កើតឡើងក្រោយពីសកម្មជនបរិស្ថានបានប្រឆាំងគោលការណ៍អាជ្ញាធរដែលអនុញ្ញាតអោយចាក់សម្រាមជាតិពុល នៅក្នុងទីក្រុង Chachoengsaoនៅក្នុងឆ្នាំ២០១៣មកម្ល៉េះ។
សកម្មជនបរិស្ថានលោកPrajobត្រូវបានបុរសទាំងបីនាក់បានសមគំនិតគ្នាបាញ់សម្លាប់កាលពីខែកុម្ភៈឆ្នាំ២០១៣ខណៈពេលដែលលោកកំពុងរង់ចាំជួសជុលឡាននៅយានដ្ឋានមួយ។ក្នុងករណីឃាតកម្មនេះប៉ូលីសបានរកឃើញសំបកគ្រាប់បួននៅកន្លែងកើតហេតុ។បន្ថែមពីនេះប៉ូលីសក៏បានពិនិត្យរកឃើញសម្លេងតាមប្រពន្ធ័ទូសព្ទដែលជនទាំងបីបានទាក់ទងគ្នាមុននិងប្រព្រឹត្តបទល្មើសផងដែរ។
ដោយឡែកបុរសទាំងបីដែលត្រូវបានកាត់ទោសប្រហារជិវិតមានអត្តសញ្ញាណដូចជាលោក Phuthorn Kaweepun ជាមន្ត្រីរដ្ឋាភិបាលក្នុងក្រសួងឧស្សាហកម្មនិងពីរនាក់ទៀតលោក Yutthanai Nachaeng និង Anu Boonpeng ដែលជាមន្ត្រីយោធា។យ៉ាងណាមិញក្រោយពីជនជាប់ចោទដែលជាយោធាពីរបានផ្តល់នូវចម្លើយសារភាពពិតតុលាការបានសម្រាលទោសពីទោសប្រហារជីវិតទៅទោសដាក់ពន្ធនាគារមួយជីវិតវិញ៕
© រក្សាសិទ្ធិដោយ thmeythmey.com
.gif)
