.jpg)
.jpg)
នូវែលសេឡង់ជាប្រទេសដែលមានលក្ខខណ្ឌការងារល្អបំផុតសម្រាប់ស្ត្រីរកស៊ីផ្លូវភេទ
- ថ្ងៃចន្ទ ទី២៥ ខែឧសភា ឆ្នាំ២០១៥ ម៉ោង ៨:១៩ នាទី យប់
នូវែលហ្សេឡង់ គឺជាប្រទេសតែមួយគត់នៅលើភពផែនដីយើងនេះ ដែលត្រូវបានគេចាត់ទុកថា ជាប្រទេសដែលមានលក្ខខណ្ឌការងារល្អបំផុតសម្រាប់ស្ត្រីរកស៊ីផ្លូវភេទ។ នេះបើយោងតាមសេចក្ដីរាយការណ៍របស់កាសែត New York Post ។
កាសែតខាងលើក៏បានផ្សាយថា ស្ត្រីរកស៊ីផ្លូវភេទនៅក្នុងប្រទេសនេះ ត្រូវចុះកិច្ចសន្យាទទួលបានប្រាក់ប្រចាំសប្តាហ៍ហើយពួកគេមានជម្រើសធ្វើការងារសម្រាប់ចៅហ្វាយណា ដែលផ្ដល់ផលប្រយោជន៍ល្អបំផុតដល់ពួកគេ។ លើសពីនេះទៅទៀត ស្ត្រីរកស៊ីផ្លូវភេទនៅនូវែលហ្សេឡង់ មានទំនាក់ទំនងយ៉ាងល្អជាមួយប៉ូលីស ហើយពួកគេត្រូវបានការពារដោយ ច្បាប់សុវត្ថិភាពការងារនិងសុខភាពដែលបានអនុម័តដោយរដ្ឋសភានៅឆ្នាំ ២០០៣ជាផ្នែកមួយនៃច្បាប់កំណែទម្រង់អំពើពេស្យាចារ។
គោលបំណងនៃការបង្កើតច្បាប់នេះឡើងកាលពី ១២ ឆ្នាំមុន គឺដើម្បីបញ្ឈប់ការការរើសអើងទៅលើអ្នកដែលរកស៊ីផ្លូវភេទ ធ្វើឲ្យងាយស្រួលក្នុងការគ្រប់គ្រងដោយគ្មានការកំណត់ថា ពួកគេធ្វើការរកស៊ីផ្លូវភេទដោយខ្លួនឯងផ្ទាល់រកស៊ីផ្លូវភេទនៅក្នុងផ្ទះរបស់ខ្លួនលក់ខ្លួននៅតាមផ្លូវឬ លក់ខ្លួនតាមបណ្តាញអ៊ីនធើណែតនោះទេ។
ម្ចាស់ទីតាំងរបស់ស្ត្រីរកស៊ីផ្លូវភេទនៅក្នុងទីក្រុង Wellington មួយកន្លែង ដែលមានស្ត្រី ៨ នាក់ធ្វើការនៅទីនោះបានប្រាប់ក្រុមអ្នកផលិតភាពយន្តឯកសារមួយថា អ្នករាល់គ្នានៅទីនេះគឺមានអារម្មណ៍ល្អក្នុងការប្រកបមុរបរនេះ ហើយពួកគេស្រលាញ់អ្វីដែលពួកគេកំពុងធ្វើ។
ឥឡូវនេះស្ត្រីរកស៊ីផ្លូវភេទនៅក្នុងប្រទេសនូវែលហ្សេឡង់ មានអារម្មណ៍ថាពួកគេកំពុងធ្វើការដោយភាពកក់ក្ដៅហើយពួកគេនឹងរាយការណ៍ទៅប៉ូលិសប្រសិនបើអតិថិជនរំលោភបំពានការគំរាមកំហែងឬបង់ប្រាក់ឲ្យពួកគេនោះ៕
© រក្សាសិទ្ធិដោយ thmeythmey.com
