.jpg)
.jpg)
មជ្ឈមណ្ឌលពាណិជ្ជកម្មពិភពលោកថ្មីនឹងបើកដំណើរការនៅថ្ងៃទី២៩ ខែឧសភា
- ថ្ងៃអង្គារ ទី២៦ ខែឧសភា ឆ្នាំ២០១៥ ម៉ោង ៧:៣៩ នាទី ល្ងាច
មជ្ឈមណ្ឌលពាណិជ្ជកម្មពិភពលោកថ្មី ដែលត្រូវគេដាក់ឈ្មោះថាOne World TradeCenterស្ថិតនៅក្នុងទីក្រុងញូវយ៉ក គឺជាអគារដែលខ្ពស់ជាងគេនៅសហរដ្ឋអាមេរិក នឹងត្រូវដាក់ឲ្យដំណើរការចាប់ពីថ្ងៃទី២៩ ខែឧសភា ខាងមុខនេះតទៅហើយ ការវាយប្រហារភេរវកម្មដ៏សាហាវ កាលពីថ្ងៃទី១១ ខែកញ្ញា ឆ្នាំ២០០។ នេះបើយោងតាមទីភ្នាក់ងារព័ត៌មានចិន Xinhua ។
អគារមជ្ឈមណ្ឌលពាណិជ្ជកម្មពិភពលោកថ្មីនេះ គឺត្រូវបានគេសាងសង់នៅក្នុងបរិវេណអគារចាស់WorldTradeCenterឬTwinTowersដដែល។ អគារនេះមានកម្ពស់១០៤ជាន់ កម្ពស់៥៤៦ម៉ែត្រគិតទាំងកំពូលដែលសាងសង់ឡើងដោយដែកសំណង់ចំនួន ៤៥ ០០០តោន និងប្រើបេតុងអស់ ៥,៤លានហ្វីតគូប។
អគារ One World TradeCenter ត្រូវបានគេបើកការដ្ឋានសាងសង់កាលពីថ្ងៃទី២៧ មេសា ឆ្នាំ២០០៦ ដោយក្រុមហ៊ុនអភិវឌ្ឍអចលនទ្រព្យ Port Authority of New York and New Jersey នៅលើទីតាំងអគារមជ្ឈមណ្ឌលពាណិជ្ជកម្មពិភពលោកចាស់ ដែលត្រូវខ្ទេចខ្ទាំដោយការវាយប្រហារភេវរកម្ម។ អគារថ្មីនេះត្រូវបានគេប៉ាន់ប្រមាណថា ចំណាយប្រាក់ប្រហែល ៣,៩ ពាន់លានដុល្លារដើម្បីសាងសង់ឲ្យរួចរាល់៕
© រក្សាសិទ្ធិដោយ thmeythmey.com
