.jpg)
.jpg)
អ្នកគ្រូអាមេរិកម្នាក់មិនសុខចិត្តចំពោះការបណ្ដេញចេញដោយគ្រាន់តែរួមភេទជាមួយសិស្ស
- ថ្ងៃពុធ ទី២៧ ខែឧសភា ឆ្នាំ២០១៥ ម៉ោង ៨:៣៩ នាទី ព្រឹក
អ្នកគ្រូបង្រៀនសាលារដ្ឋ នៅក្នុងតំបន់ Brooklyn ទីក្រុងញូវយ៉ក បានដាក់ពាក្យបណ្តឹងមួយ ទៅកាន់តុលាការ ដើម្បីទាមទាររកយុត្តិធម៌ ក្រោយពីនាងត្រូវគេបណ្តេញចេញពីការងារជាគ្រូបង្រៀនរបស់នាង ដោយសារតែនាងបានរួមភេទជាមួយសិស្សអាយុ ១២ ឆ្នាំម្នាក់រួចមកនោះ។ នេះបើយោងតាមកាសែត New York Post។
ប្រភពដដែលក៏បានឲ្យដឹងថា ទោះបីជាលទ្ធផលនៃការធ្វើតេស្តDNA រូបភាពក្នុងខ្សែអាត់វីដេអូអត្ថបទនិងរបាយការណ៍ហិរញ្ញវត្ថុរបស់នាង បានបញ្ជាក់ពីអំពើដ៏កខ្វក់នៅពេលរួមភេទជាមួយសិស្សវ័យក្មេងរបស់ខ្លួនក៏ដោយ ក៏នាងនៅតែមិនសុខចិត្តចំពោះសេចក្ដីសម្រេចដែលបានបណ្ដេញនាងចេញពីសាលារៀន ដោយគ្រាន់តែពាក់ព័ន្ធនឹងការរួមភេទជាមួយសិស្សនេះ។
អ្នកស្រីClaudia Tilleryបានចំណាយពេល ១៥ឆ្នាំក្នុងអាជីពជាគ្រូបង្រៀននៅក្នុងសាលាStephen Decatur នេះបានអះអាងថា នាងចង់ត្រឡប់មកធ្វើជាគ្រូបង្រៀននៅក្នុងថ្នាក់រៀនដដែល បើទោះបីជាតុលាការបានជំនុំជម្រះ និងចោទប្រកាន់នាងពីបទព្រហ្មទណ្ឌក៏ដោយ។
ប៉ុន្តែមន្ត្រីក្រសួងអប់រំអាមេរិក ដែលបានតាមដានការកាត់សេចក្ដីរបស់តុលាការបានរកឃើញកាលពីខែមេសាថាពួកគេមានភស្តុតាងដែលអាចជឿទុកចិត្តបាន ក្នុងការបង្ហាញថាTilleryពិតជាបានចាប់រំលោភក្មេងប្រុស។ប៉ុន្តែនាងបាននិយាយមូលបង្កាច់ក្មេងប្រុសនោះថា គឺរូបគេទេដែលចង់រំលោភគាត់ ដើម្បីឲ្យរូបគាត់អាចប្ដឹងបកទៅក្មេងប្រុសនោះវិញ៕
© រក្សាសិទ្ធិដោយ thmeythmey.com
