.png)
.jpg)
.jpg)
កូរ៉េខាងត្បូងស្ថិតក្នុងចំណោមប្រទេស ១០ ដែលមានអត្រាជនអត់ឃ្លានច្រើនជាងគេ
- ថ្ងៃសៅរ៍ ទី៣០ ខែឧសភា ឆ្នាំ២០១៥ ម៉ោង ១០:៤០ នាទី យប់
របាយការណ៍ប្រចាំឆ្នាំ ស្ដីពីភាពអត់ឃ្លានដែលចេញផ្សាយដោយអង្គការសហប្រជាជាតិ បានបង្ហាញថា គិតមកដល់ពេលបច្ចុប្បន្ននេះមានប្រជាជនជាង ៧៩៥ លាននាក់នៅទូទាំងពិភពលោក កំពុងទទួលរងកង្វះអាហារូបត្ថម្ភ។ក្នុងចំណោមប្រទេសមានភាពអត់ឃ្លានទាំងនោះ កូរ៉េខាងត្បូងក៏ជាប់ក្នុងចំណោមប្រទេស ១០ ដែលមានប្រជាជនជួបគ្រោះអត់ឃ្លាន ច្រើនជាងគេនៅលើពិភពលោកផងដែរ។ នេះបើយោងតាមកាសែត independent ។
កាសែតខាងលើក៏បានរាយការណ៍ថា របាយការណ៍ដែលចេញផ្សាយដោយអង្គការស្បៀងនិងកសិកម្មនៃសហប្រជាជាតិ (FAO) មូលនិធិអន្តរជាតិសម្រាប់ការអភិវឌ្ឍកសិកម្ម (IFAD) និងកម្មវិធីស្បៀងអាហារពិភពលោក (WFP) បានបង្ហាញពីការថយចុះគួរឲ្យកត់សម្គាល់ នៃចំនួនប្រជាជនដែលមានភាពអត់ឃ្លាន បើធៀបទៅនឹង ២៥ ឆ្នាំមុន ដែលប្រជាជនអត់ឃ្លានមានច្រើនដល់ជាង ១ ពាន់លាននាក់នោះ។
ការរីកចម្រើនគួរឱ្យកត់សម្គាល់ នៃការកាត់បន្ថយចំនួនប្រជាជនខ្វះអាហារូបត្ថម្ភ គឺស្ថិតនៅតំបន់អាមេរិកឡាទីន តំបន់ឈូងការាបៀនអាស៊ីបូព៌ាអាស៊ីអាគ្នេយ៍និងអាស៊ីកណ្តាល ជាដើម។ទោះយ៉ាងណាបើក៏ដោយ ទោះបីជាការថយចុះនៃចំនួនប្រជាជនខ្វះអាហារូបត្ថម្ភនេះក៏ដោយ ក៏របាយការណ៍នេះបានកត់សម្គាល់ឃើញថាប្រទេសមួយចំនួននៅក្នុងទ្វីបអាហ្វ្រិកនៅតែបន្តប្រឈមនឹងវិបត្តិស្បៀងអាហារ។
ខាងក្រោមនេះគឺជាប្រទេស ១០ ដែលមានចំនួនប្រជាជនមានភាពអត់ឃ្លានច្រើនជាងគេបំផុត នៅលើពិភពលោក គិតជាភាគរយធៀបនឹងប្រជាជនដែលមានកង្វះអាហារូបត្ថម្ភ៖
ទី១៖ ប្រទេស ហៃទី មានអត្រាប្រជាជនអត់ឃ្លាន ៥៣,៤ ភាគរយក្នុងចំណោមប្រជាជនកង្វះអាហារូបត្ថម្ភ ៥,៧ លាននាក់។
ទី២៖ ប្រទេស សំប៊ីវ មានអត្រាប្រជាជនអត់ឃ្លាន ៤៧,៨ ភាគរយក្នុងចំណោមប្រជាជនកង្វះអាហារូបត្ថម្ភ ៧,៤ លាននាក់។
ទី៣៖ សាធារណរដ្ឋអាហ្វ្រិកកណ្តាលមានអត្រាប្រជាជនអត់ឃ្លាន ៤៧,៧ ភាគរយក្នុងចំណោមប្រជាជនកង្វះអាហារូបត្ថម្ភ ២,៣ លាននាក់។
ទី៤៖ ប្រទេស ណាមីប៊ីមានអត្រាប្រជាជនអត់ឃ្លាន ៤២,៣ ភាគរយក្នុងចំណោមប្រជាជនកង្វះអាហារូបត្ថម្ភ ១ លាននាក់។
ទី៥៖ ប្រទេស កូរ៉េខាងត្បូងមានអត្រាប្រជាជនអត់ឃ្លាន ៤១,៦ ភាគរយក្នុងចំណោមប្រជាជនកង្វះអាហារូបត្ថម្ភ ១០,៥ លាននាក់។
ទី៦៖ ប្រទេស ឆាដ មានអត្រាប្រជាជនអត់ឃ្លាន ៣៤,៤ ភាគរយក្នុងចំណោមប្រជាជនកង្វះអាហារូបត្ថម្ភ ៤,៧ លាននាក់។
ទី៧៖ ប្រទេស ហ្ស៊ីមបាវេមានអត្រាប្រជាជនអត់ឃ្លាន ៣៣,៤ ភាគរយក្នុងចំណោមប្រជាជនកង្វះអាហារូបត្ថម្ភ ៥លាននាក់។
ទី៨៖ ប្រទេស តាជីគីស្ថានមានអត្រាប្រជាជនអត់ឃ្លាន ៣៣,២ ភាគរយក្នុងចំណោមប្រជាជនកង្វះអាហារូបត្ថម្ភ ២,៩លាននាក់។
ទី៩៖ ប្រទេស ម៉ាដាហ្គាស្ការមានអត្រាប្រជាជនអត់ឃ្លាន ៣៣ ភាគរយក្នុងចំណោមប្រជាជនកង្វះអាហារូបត្ថម្ភ ៨ លាននាក់។
ទី១០៖ ប្រទេស តង់ហ្សានី មានអត្រាប្រជាជនអត់ឃ្លាន ៣២,១ ភាគរយក្នុងចំណោមប្រជាជនកង្វះអាហារូបត្ថម្ភ ១៦,៨ លាននាក់៕
អត្តបទដកស្រង់ចេញពី The Independent: www.independent.co.uk/news/world/the-20-countries-where-more-than-1-in-4-people-go-hungry-10279222.html
© រក្សាសិទ្ធិដោយ thmeythmey.com
